Quyosh elementlari va batareyalarining fizikaviy asoslari

	M U N D A R I J A
	KIRISH…………………………………………………….	2
1	Quyosh elementlari va batareyalarining fizikaviy asoslari..	3
2	Quyosh elementlarining tuzilishi va ularni yig’ish………..	7
3	Quyosh elementlarining ishlash prinsipi, asosiy parametrlari ……………………………………………….	10
4	Bugungi kunda Quyosh batareyalarining qo’llanilish sohalari…………………………………………………….	12
5	Uylarni Quyosh batareyalari yordamida elektr energiyasi bilan ta’minlash……………………………………………	14
6	Quyosh batareyasi yordamida olingan elektr energiyani turli maishiy texnika asboblari jamlanmasiga tadbiqi……..	18
7	Akkumulyatorlarning zaryadlanish kontrollerlari…………	20
8	Mikrokontrollerning HEX kodi……………………………	28
	XULOSA…………………………………………………..	35
	Foydalanilgan adabiyotlar ro’yxati………………………..	36

Kirish
XX asrning oxiriga kelib atrof - muhitni muhofaza qilish hamda tabiiy resurslardan oqilona foydalanish masalasi eng dolzarb muammoga aylandi. Bugun jahon ilm - fani muqobil energiya manbalarini izlab topish, yaratish, foydalanish samaradorligini oshirish, bu borada targ’ibot - tashviqot ishlari olib borishga alohida e’tibor qaratmoqda. Chunki bosqichma - bosqich muqobil energiyadan foydalanishga o’tilmas ekan, tabiiy boyliklarimiz bo’lgan - neft, gaz, ko’mir zaxiralari tugashi va keyinchalik narxlarining oshishi natijasida dunyo aholisi juda katta muammo bilan yuzma - yuz keladi.

O’zbekistonda noan’anaviy energiya manbalari, birinchi navbatda, quyosh energiyasidan foydalanishni kengaytirishga katta e’tibor berilmoqda. Prezidentimiz Islom Abdug’aniyevich Karimovning 2013 - yil 1 - martda qabul qilingan “Muqobil energiya manbalarini yanada rivojlantirish chora - tadbirlari to’g’risida”gi farmonida muqobil energetika sohasidagi ilmiy salohiyatni yanada rivojlantirish, malakali kadrlar tayyorlash, bu boradagi qonunchilikni takomillashtirish, muqobil energiya manbalarini ishlab chiqaruvchilar va foydalanuvchilarni rag’batlantirish, ularga soliq va bojxona imtiyozlari berish, “Muqobil energiya manbalari to’g’risida”gi qonun loyihasini ishlab chiqish vazifalari belgilangan.
Hozirgi zamon muammolaridan biri juda katta miqdordagi quyosh radiyatsiya energiyasidan maksimal foydalanish masalasidir. Shunday ekan, Quyosh batareyalari tuzilishining oddiyligi, ishlash prinsipi, asosiy parametrlari, o’rnatishning osonligi, ko’p xizmat talab etmasligi va uzoq muddat foydalanish mumkinligi, u bilan bog’liq bo’lgan hisob - kitoblarni bilish katta ahamiyat kasb etadi.
Birinchi bobda, Quyosh elementlari va batareyalarining fizikaviy asoslari: Quyosh elementlarining tuzilishi va ularni yig’ish; Quyosh elementlarining ishlash prinsipi, asosiy parametrlari; Quyosh elementlarini tayyorlash texnologiyalari; Bugungi kunda Quyosh batareyalarining qo’llanilish sohalari haqida ma’lumotlar berilgan.
Ikkinchi bobda esa Quyosh batareyasi yordamida olingan elektr energiyani turli maishiy texnika asboblari jamlanmasiga tatbiqi va Quyosh elementi yordamida uylarni elektr energiya bilan ta’minlashning tajribaviy haqida ma’lumotlar va natijalari keltirilgan.