Quruq qurilish qorishmalari va ularning klassifikatsiyasi

Gigroskopiklik deb atrofdagi havo namligi oshganda g‘ovakli ashyolarning ma’lum miqdorda suv shimib olish xossasiga aytiladi.
Suv o‘tkazuvchanligi – ashyoning bosim ostida suv o‘tkazish xossasiga aytiladi.
Suv o‘tkazmaydigan ashyolar jumlasiga ayniqsa zich materiallar (po‘lat, shisha, bitum) va berk g‘ovakli zich ashyolar kiradi.
Sovuqqa chidamliligi – suvga to‘yingan ashyoni navbatma-navbat takrorlanadigan muzlash va erishda buzilmasligi, hamda mustahkamligi pasaymasligi xossalaridir.
Bug‘ va gaz o‘tkazuvchanligi ashyoning o‘z qatlami orqali bosim ostida suv bug‘i yoki gaz (havo) o‘tkazish xossasidir. Tutashmagan g‘ovaklari mavjud bo‘lgan barcha g‘ovakli ashyolar bug‘ yoki gaz o‘tkazish xususiyatiga egadir. Ashyolarning havo o‘tkazuvchanligini tashqi devorlarda va binolar yopmasida ishlatishda, gaz o‘tkazuvchanligi esa ularni maxsus inshootlarning konstruksiyalarida ishlatishda hisobga olish kerak.
Issiqlik o‘tkazuvchanligi-ashyoni chegaralab turuvchi yuzalarda harorat turlicha bo‘lganda o‘z qatlami orqali issiqlik uzatish xossasidir. Ashyoning issiqlik o‘tkazuvchanligi ko‘p omillarga, materialning xususiyatiga, uning tuzilishiga, g‘ovakligiga, namligiga, issiqlik uzatish sodir bo‘ladigan o‘rtacha temperaturaga ham bog‘liq.
Ashyoning issiqlik sig‘imi–isitish jarayonida ma’lum miqdorda issiqlik yutish va sovutishda uni ajratib chiqarish xossalariga aytiladi.
Olovbardoshlik – yong‘in chiqqan sharoitlarda yuqori haroratlar va suv ta’siriga ashyoning qarshilik ko‘rsatish xususiyatidir. Olovbardoshlik darajasiga ko‘ra qurilish materiallari yonmaydigan, qiyin yonadigan va yonadigan turlarga bo‘linadi.
O‘tga chidamlilik deb ashyoga yuqori harorat (1580⁰S dan) uzoq vaqt ta’sir qilganda erimasdan va shakli o‘zgarmasdan chidash xossasiga aytiladi.
O‘tga chidamlilik darajasiga ko‘ra ashyolar olovga chidamli, qiyin eriydigan, va oson eriydigan ashyolarga bo‘linadi.