Qurilish materiallari va konstruksiyalari

Po‘lat armatura va o‘rnatiladigan detallarni tayyorlash
Armatura mahsulotlari uchun po‘latga mexanik ishlov berishda to‘g‘rilash, po‘latni o‘lchash va kesish, to‘r va sterjenlarni egish, montaj ilgaklarini tayyorlash kiritiladi. Bu ishlarni bajarishda zamonaviy turli turdagi stanok va mashinalardan foydalaniladi. Po‘latga mexanik ishlov berishdagi asosiy postlar avtomatlashtirilgan. Avtomatik qurilma SMJ- 357 va I-6118 rusumli stanok bir vaqtda buxtani yechish, to‘g‘rilash, tozalash va po‘lat armaturani berilgan o‘lchov asosida kesishni bajaradi.
O‘ramda yetkazib beriladigan armatura sterjenini tayyorlash, diametri 3-12 mm li V-I, V_r-I, A- II va A- III klass po‘latidan ishlab chiqariladi.
Bu stanoklarning ish qoidasi cho‘zadigan rolik buxtadan armaturani bo‘shatadi, to‘g‘rilash barabanidan o‘tadi, u yerda to‘g‘rilanadi va tozalanadi keyin o‘lchangan uzunlik gilotin turidagi (jodi) qurilmada kesiladi.
Qabul qiluvchi va uzatuvchi moslamali to‘g‘ri kesadigan stanok I-6118 yordamida uzunligi 1 dan 6 gacha va hatto 9 m gacha sterjenlarni tayyorlash mumkin (3.1-rasm). Stanokda uzunligi 100-1000 mm sterjenlarni ham kesish mumkin.
To‘g‘rilovchi kesuvchi stanok I-6022A diametri 6-16 mm gacha bo‘lgan silliq va davriy profili o‘ralgan armaturalarni to‘g‘rilash uchun mo‘ljallangan. 2.17-jadvalda yig‘ma temir-beton zavodlarida to‘g‘rilovchi va kesuvchi mashinaning texnik xarakteristikasi berilgan.
To‘g‘rilovchi-kesuvchi mashinaning texnik xarakteristikasi
2.17-jadval

Ko‘rsatkich	SMJ-357	I-6118	I-6022A
Qayta ishlov beriladigan po‘latning diametri, mm da: tekis davriy profilli	4-10 6-8	2,5-6,3 —	6-16 6-12
Novdani (prut) uzunligi, mm: Novdani kesishdagi aniqligi (uzunligi 6000 mm da og‘ishi-farqi), mm	2000- 12000 +3-5	1000-9000 ±2	500- 9000 ±2
Armaturani to‘g‘rilash va uzatishdagi tezligi, m/min	31,5; 46; 63; 90	25;50	31,5; 42; 63
Gabaritlari (o‘lchamlari)-(uzunligi x kengligi x balandligi) mm	12100x 1500x 1210	7540x 810x 1450	12170x 1565x 2000
Vazni, kg	1900	1830	6450