Qurilish materiallari

Elektr o'tkazuvchanlik. Shishaning elektr o'tkazuvchanligi uning kimyoviy strukturasiga, kremniy, bor, bariy, litiy va shu kabilarning oksidlari miqdoriga, mikroarmatura va fibroarmatura qo'shilganiga bogliq bo'ladi. Oddiy silikat shishasining xona haroratidagi solishtirma elektr qarshiligi 10¹⁰–10" Om.sm, teshib o'tish kuchlanishi 450 kV/sm² tashkil qiladi.
Texnologik xususiyatlari. Shishani va undan tayyorlangan buyumlarni olmos bilan kesish, arralash, charxlash, shliflash, polirovkalash mumkin. Shishani 800-1000 °C list, nay, tola sifadda cho'zish, payvandlash va puflab shakl berish, buyum olish mumkin. Shishaning ishlanuvchanligidan foydalanib, qurilish buyumlari, shishapaketlar, tola va matolar tayyorlanmoqda.


4.4. Shishaning turlari
Taxta oyna. Taxta oynaga oddiy deraza, vitrina, issiqlik nurlarini yutuvchi, armaturalangan va boshqa oyna turlari kiradi (4.1-rasm).





4.1-rasm. Taxta oyna.


Taxta oyna deraza va eshikni to'sishga, sanoat va jamoat binolarini tashqi muhitdan izolatsiyalashda, ichki va tashqi tomondan bezashda ishlatiladi. Taxta oynaning eni 250–1600 mm, uzunligi 250–2200 mm, qalinligi 2; 2,5; 3; 4; 5 va 6 mm o'lchamlarda tayyorlanadi. Bir metr kvadrat oynaning massasi 2-5 kg. Uning nur o'tkazuvchanligi 87% kam bo'lmasligi, shaffof bo'lishi talab etiladi. U rangsiz bo'lib, ba'zi hollarda yashil yoki ko'kimtir soyalar bo'lishi ruxsat etiladi. Taxta oyna yuzasidagi qiyshiqliklar, burmalar, yo'1-yo'l chiziqlar, bo'shliqlarning bo'lishi uning navini belgilaydi.
Vitrina oynasi ma'muriy, maishiy, savdo, mehmonxona va shu kabilar binolarni bezashda ishlatiladi (4.2–rasm a, b). Ular polirovkalanib, qalinligi 6-10 mm, eni 3500, bo'yi 6000 mm gacha o'lchamlarda ishlab chiqariladi. Uning bir tomonlama nur o'tkazuvchi turi binolarni bezashda va yorug'lik nurini mo'tadil saqlashda zarur bo'ladi.