Qurilish materiallari

Mineral paxtali qorishma mineral paxta, asbest, giltuproq va portlandsement asosida olinadi. Bu izolatsiya materialming quruq holatdagi o'rtacha zichligi 400 kg/m³, issiqlik o'tkazuvchanlik koeffitsiyenti 0,28 W/(m.°C) gacha bo'ladi.


14.3.4. Issiqlik izolatsiyasi uchun betonlar


Yengil betonlar. Yengil betonlar ko'pchitilgan perlit, vermikulit, keramzit va mineral bog'lovchilar asosida olinadi. Xususiy hollarda organik bog'lovchilar (bitum, qatron, sintetik polimerlar) ishlatiladi.
Yengil betonlar ichida perlit asosidagi kompozitsiyalar samarali hisoblanadi. Perlit to'ldirgichi asosida perlit bitumli, perlit polimerli, perlit fosfatli, perlit silikatli yengil betonlar tayyorlanadi. Ularning o'rtacha zichligi 150-300 kg/m³. Yengil betonlar devor, tom, pol osti konstruksiyalari, truboprovod va boshqalarning issiqlik izolatsiyasi uchun ishlatiladi. Yacheykali betonlar avval berilgan texnologiyalarga asosan («Betonlar» bobini qarang) 100-500 kg/m³ o'rtacha zichlikda ishlab chiqariladi. Yacheykali betonlar yetarli darajada mustahkam, issiqlik o'tkazuvchanligi va suv shimuvchanligi kichik, olovga bardoshli bo'ladi. Ularga osonlikcha ishlov berish,mix qoqish, teshish va tekislash mumkin. Yacheykali issiqlik izolatsiyasi betonlari yuqori plastiklikga ega bo'lgani uchun ikki va uch qatlamli devorbop panellar tayyorlashda, truboprovodlarni va boshqa konstruksiyalarni himoyalashda ishlatiladi.


14.4. Organik issiqlik izolatsiyasi materiallari


Organik issiqlik izolatsiyasi materiallari tabiiy organik xomashyo va sintetik polimerlar asosida tayyorlanadi. Organik xomashyolarga yog'och va uning chiqindilari, kanop va g'o'za poyasi, torf, qamish, bir yillik o'simliklar, hayvon juni va shu kabilar kiradi. Organik xomashyolar asosidagi kompozitsion materiallar mineral va organik bog'lovchilar asosida tayyorlanadi. Sintetik polimerlar asosida yacheykali plastmassalar olish maqsadga muvoflqdir.