Qurilish materiallari

10.13-rasm. Gidroizolyatsiya mastikalari.


Mastikalar bog'lovchining turiga ko'ra bitumli, bitum-rezinali, bitum-polimerli; ishlatilish usuliga nisbatan issiq, sovuq; ishlatilish sohasiga ko'ra yelimlovchi, tombop izolatsiyalovchi, asfaltli gidroizolatsiyalovchi va antikorrozion bo'ladi.
Issiq mastikalar dastlab isitiladi - bitum asosidagilari 160 °C gacha, qatron asosidagilari 130°C gacha. Sovuq mastikalar organik erituvchilar qo'shilib tayyorlanadi va muhit harorati 5°C kam bo'lmagan holda isitilmasdan, harorat 5°C kam bo'lganda 60-70°C isitilgan holatda ishlatiladi.
Yelimlovchi mastikalar ko'p qatlamli tom qoplamalari va qurilish konstruksiyalarni gidroizolatsiyalashda, o'rama materiallarni yelimlashda ishlatiladi. Bitum bog'Iovchi asosida tayyorlangan o'rama materiallar (ruberoid, pergamin va shu kabilar) bitumli mastikalar bilan, qatronli o'rama materiallar (tol, va b.lar) qatronli mastikalar bilan yelimlanadi. Yelimlovchi mastikalar issiqqa bardoshliligi bo'yicha tanlanadi (10.3-jadval).


10.3-jadval
Yelimlovchi mastikalar

Mastika turi	Komponentlar	Marka	Issiqqa bardoshlilik, °C	Diametr sterjeni egilishi, mm
Bitumli	Neft bitumi, kukun, to`ldirgich, antiseptik	MBK-G-65 MBK-G-75 MBK-G-85 MBK- G -90 MBK-G-90 65	65 75 85 90	15 20 30 35
Qatronli	Toshko'rnir qatroni, kukun, to`ldirgich kukun to'ldirgich	MDK-G-50 MDK-G-60 MDK-G-70	50 60 70	25 30 40

Tombop gidroizolatsiya mastikalari tomlarni, qurilish konstruksiyalarini izolatsiyalashda va yelimlovchi material sifatida ishlatiladi. Ular gudrokam va rezina-bitumli bog'lovchilar asosida tayyorlanadi, yuqori elastic egiluvchan va sovuqqa chidamli.
Asfaltli mastikalar quyma va suvoq usulida gidroizolatsiyalashda, plita va shu kabi donali buyumlar tayyorlashda bog'lovchi sifatida ishlatiladi.