Qurilish materiallari ishlab chiqarish korxonalarining iqtisodiyoti

Iqtisodiy jihatdan yagonaligi – 
korxonaning barcha bo‘linmalari yagona 
ishlab chiqarish rejasi asosida harakatlanishi, umumiy moddiy, texnik va moliyaviy 
resurslarga, umumiy hisob raqami, tugallangan hisobga olish va hisobot topshirish 
tizimiga, korxonaning ishlab chiqarish-xo‘jalik faoliyatining umumiy iqtisodiy 
natijalariga – daromadga, rentabellik, banklar va iste’molchilar bilan umumiy 
moliyaviy munosabatlarga ega ekanligi bilan belgilanadi.
Iqtisodiy o‘sish
- mahsulot chikarishni va xizmat ko‘rsatishni ko‘payishi.
Ish haqi
- har bir xodimning sarflangan mehnati miqdori va sifatiga mos 
ravishda taqsimlanuvchi va xodim tasarrufiga pul shaklida kelib tushuvchi milliy 
daromadning bir qismi. 
Ish haqining shakllari va tizimlari
–bu mehnatning miqdor natijalari va 
sifatiga (uning murakkabligi, intensivligi, shart- sharoitlariga) bog‘liq ravishda ish 
haqini belgilash mexanizmidir. 

---

141 
Ishlab chiqarish
– bu mahsulot yaratish jarayoni bo‘lib, jamoatchilikning 
yashashi va rivojlanishi uchun zarur. 
Ishlab chiqarish fondlari sig‘imi
- ishlab chiqarish fondlari o‘rtacha yillik 
qiymatini mahsulot hajmiga bo‘lish orqali aniqlanadi. 
Ishlab chiqarish jarayoni
- bu moddiy boyliklar va ishlab chiqarish 
munosabatlarining beto‘xtov hosil bo‘lib turish jarayonidir.
Ishlab chiqarish jarayonidagi aylanma fondlar
- bu avvalo tugallanmagan 
ishlab chiqarish (qurilish) va kelgusi davr harajatlaridir (vaqtinchalik bino va 
inshootlar qurishga, asbob-uskunalarni bir joydan ikkinchi joyga ko‘chirish, sinovlar 
o‘tkazish va hokazolarga sarflanadigan harajatlar). 
Ishlab chiqarish quvvati
- berilgan mashina va asbob-uskunalar, 
texnologiyalar va ishlab chiqarishni tashkil qilish uslubida mahsulot ishlab 
chiqarishning maksimal hajmi.