Qurilish materiallari, buyumlari

7-MA’RUZA.
QURILISH MATERIALLARI, BUYUMLARI
VA KONSTRUKSIYALARI XARAJATLARI. USKUNALAR, MEBEL VA INVENTARLARI XARAJATLARI.(SHNK 4.13.00-05)

Reja:
7.1.Qurilish materiallari, buyumlari va konstruksiyalari xarajatlari

7.2. Uskunalar, mebel va inventarlari xarajatlari.

Tayanch suz va iboralar: ob’yektlarni qurish qiymati, qurilish, baza, takomillashtirish, QMQ-qurilish me’yorlari va qoidalari, baho, shartnomaviy narx, loyixa, dastlabki bosqich, smeta, smeta ishi, narxni shakllantirish, SHNQ-shaxarsozlik nomalari va qoidalari, ob’yekt, resurs, joriy narx, resurli metod, savdo tanlov, resusrlarni smetali me’yorlash

7.1.Qurilish materiallari, buyumlari va konstruksiyalari xarajatlari
Qurilish materiallari, mahsulotlari, konstruksiyalari, uskunalar, mebel va inventar uchun sarflanadigan xarajatlar transport, tayyorlash-omborda saqlash xarajatlari va import materiallar, uskuna, mebel va inventar uchun qonunchilikda belgilangan bojxona to‘lovlarini qo‘shib hisoblangan ishlab chiqaruvchi (yetkazib beruvchi) korxonalarning narxlari qo‘llanilib loyiha spesifikasiyalariga muvofiq tarzda tuzilgan resurs ro‘yxatlarga asoslanib yoki mazkur hududda shakllangan narxlar monitoringi asosida tuziladigan ma’lumotlar banki bo‘yicha aniqlanadi.
Har xil qurilish materiallari (buyumlar, konstruksiyalar)ning o‘rtacha qiymati tayyorlovchi zavodlarning ulgurji sotish narxlari, qurilish materiallari birjalari va yarmarkalaridagi narxlar, "Davarxitektqurilish" qo‘mitasi tomonidan chiqariladigan kataloglar, "Davarxitektqurilish" qo‘mitasining narx belgilash bo‘yicha mintaqaviy markazlari ma’lumotlari asosida aniqlanadi.
Qonun hujjatlari normalariga muvofiq belgilangan qurilish material-lari (buyumlar, konstruksiyalar) narxlari tayyorlovchi zavodlarning ulgurji narxlarini, idishlarga xarajatlarni, transport xarajatlarini, ta’minot-sotish tashkilotlarining ustama narxlarini o‘z ichiga oladi.
Transport xarajatlarini "Davarxitektqurilish" qo‘mitasi tomonidan ish-lab chiqilgan Yuklarni qurilish uchun tashishga hisob-kitob joriy narxlarini aniqlash bo‘yicha metodik tavsiyalar asosida hisoblab chiqish tavsiya qilinadi.