Qurilish materiallari, buyumlari va konstruksiyalari texnologiyasi

Uylarning  GMS-1 plitalarini tayyorlash. 
GMS-1 seriyali ko‘p qavatli turar joy binolarining 3,3; 4,2 va 6,3 metr proletli 
orayopma plitalari oldindan zo‘riqtirilgan variantda ichki ankerli qilib bajariladi. Bu 
plitalarni  tayyorlash  uchun  qoliplardagi  tirgak  va  fiksator  bitta  elementdan  tashkil 
topgan.  Sterjenni  tirgakka  maxkamlash  uchun  Pd-2  plitalaridagi  kabi  sterjenlardagi 
kalta armaturachalar talab etilmaydi.  
Qolip  konstruksiyasining  oddiyligi  unga  qizdirib  cho‘zilgan  armatura 
sterjenini o‘rnatishni oddiyligini ta’minlaydi. Zarur uzunlikkacha qizdirib cho‘zilgan 
armatura sterjenining ankerlari qolip  
bortidagi  tirgaklarga  kirgazib  maxkamlanadi  va  ular  sovish  vaqtida  450  MPa 
zo‘riqish hosil qiladilar. 
Uzunligi 6,28 metr bo‘lgan plitalarda foydalaniladigan 14 mm diametrli sterjenlardagi 
zo‘riqish 560±87 MPa teng bo‘ladi. 
Keyin  konstruksiyani  tayyorlash  uchun  zarur  zo‘riqtirilmaydigan  armatura 
elementlari,  xalqalar,  elektr  simlarini  o‘tkazish  uchun  kanal  hosil  qiluvchilar  va 
boshqalar o‘rnatiladi, beton qorishmasi quyilib zichlanadi, mahsulotga issiq-nam ishlovi 
beriladi,  so‘ngra  esa  qisqichlarning  richaglari  echilib,  qolipning  bortlari  ochiladi  va 
tayyor plitalar qolipdan echiladi. 
Oldindan  zo‘riqtirilgan  plitalarni  tayyorlashning  yangi  texnologiyasi  Pd-4 
plitalarni tayyorlashga nisbatan ancha sodda va xavfsizdir.