Quloq tomoq

Traxeostomiyadan keyin bemorlarni parvarishlash. 
Ope ratsiyadan keyingi birinchi kunlarda bemor alohida 
parvarishga va doimiy nazoratga muhtoj bo‘ladi. Traxeos-
toma atrofidagi terini tozalab, dezinfeksiyalovchi vositalar 
bilan artilishi kerak. Bog‘lamni almashtirish uchun nay 
chiqarib olinmaydi.
Traxeostoma ichida shilimshiq va qatqaloqlar yig‘ilib 
qolishining oldini olish uchun har 2–3 soatda unga 2–3 
tomchi steril o‘simlik moyi, 4% li gidrokarbonat quyilishi 
lozim. Sutkada 2–3 marta ichki nayni chiqarib, uni oqar 
sovuq suvda yuvib, spirt bilan tozalash kerak. Uni yana 
kiritishdan oldin o‘simlik moyi surtish kerak. Ayrim hol-
larda traxeyaning ichidagi ajralmalarni maxsus so‘rg‘ich 
bilan olib tashlash kerak bo‘ladi. Bu muolajadan yarim soat 
oldin bemor karavotining oyoq qismi yuqori ko‘tariladi va 
bemorning ko‘krak qafasi uqalanadi. Ichki traxeostomik 
nay orqali 1 ml 2% li natriy gidrokarbonat quyiladi va 10 
daqiqadan keyin traxeostomaga 10 sm chuqurlikka so‘rg‘ich 
uchligi kiritiladi va traxeya tozalanadi. Shu bilan bir qator-
da stenozga sabab bo‘lgan asosiy kasallik davolanadi.