Qoraqalpoq davlat universiteti

Uyga vazifa
„Ona tilim-faxrim mening” mavzusida matn tuzib kelishva orfoepik qoidalarini tasnif qilish
Mustaqil ta’lim yuzasidan topshiriq
Til va yozuv. “O‘zbek yozuvlari tarixidan” mavzusida material tayyorlash


Adabiy o‘qish: Iroda Umarova
ONA TILIM
Ona tilim — yurak qatimdan
Mehr bo'lib sochilgan jarang.
Qulog'imga go'dak paytimdan
Alla bo'lib singigan ohang.


Ona tilim — necha asrlar
Kurashida yenggan polvonim.
Necha ajdod, necha nasllar
Suyib o'tgan turkiy zabonim.


Ona tilim — do'ppi kiygan So'z,
Doim yangi yo'lcha-atlasi.
Bir satriga tashlasangiz ko'z,
Tovlanadi ming-ming qirrasi.


Ona tilim —asalchoy ta'mli,
Bulbultalqin, muhabbatsheva.
Lablarimga ko'chirgum doim
Talaffuzin men seva-seva.


Ona tilim — yurak qatimdan
Mehr bo'lib sochilgan jarang.
Qulog'imga go'dak paytimdan
Alla bo'lib singigan ohang.

3-mavzu. Davlat tili birligimiz, borligimiz ramzi
I. Og‘zaki nutq:
▲ 1-tоpshiriq.Mаtnni o‘qing va o‘zaro fikr almashing.
Til va millatlar uyg‘unligi
Til inson uchun berilgan buyuk ne’mat, u milliy madaniyatning ham muhim tarkibiy qismidir. U nafaqat aloqa quroli, balki inson shaxsini fazlu kamolga yetkazuvchi, uning xulqi-odobi, insoniy xislat va fazilatlari uyg‘unligini ta’minlovchi ibrat va tarbiya manbai hamdir. Zero, u xalqqa kuch-quvvat, ruhiy barkamollik bag‘ishlaydi. Bundan tashqari u inson faoliyatida borliqni bilish, fikr almashish, jamg‘arilgan bilimlarni avloddan-avlodga yetkazish vositasidir. Tilda millatning bor-yo‘g‘i, o‘y-fikri, dunyoqarashi, orzu-umidlari, Vatani, his-tuyg‘ulari aks etadi. Har bir til asrlar davomida rivojlanib, boyib boradi.
Qoraqalpog‘iston Respublikasi bilingvizm sharotidagi xalqdir. Chunki bu yerda turli millat vakillari yashaydi. Har xil millat vakillari bo‘lishidan qat’iy nazar ular o‘zbek tilini ona tili deb biladi va o‘rganadilar. O‘zaro aloqa doirasida til va millatlar uyg‘unligini his qiladilar…