Qo’qon Universiteti Tadbirkorlik fakulteti talabalari

Qo’qon Universiteti

Tadbirkorlik fakulteti talabalari

Tolipov Umidjon va Tirkashev Xudoyberdining

o’z biznes rejalariga yozgan asosnomalari.

Bizning biznes rejamiz o’zaro internet va mobil alaqalar bilan bo’g’liq. Unda birorta ilova yaratiladi va internet tarmog’iga qo’yiladi. Bu ilovada onlayn tarzda ishchilarning ro’yhati bo’ladi. Bu qanday ishchilar deganda, misol qilib yollanib ishlovchi ishchilar nazarda tutiladi. Hozirga kunda ko’rishimiz mumkin bo’lgan holat ya’ni mardikor bozorda turuvchi ishchilar tushuniladi. Bunda ishchilarga ham anchagina yengilliklar yaratiladi. Misol uchun ular yil bo’yi ya’ni yozda ham, qishda ham, yilning istagan paytida uylarida turib ish topishlari mumkin. Mijozlarga esa bir kunini sarflab ishchi qidirish, vaqt sarflash mashshaqati bo’lmaydi. Bu qanday amalga oshiriladi. Birinchi bo’lib ilova yaratiladi va Play Market tarmog’iga qo’yiladi. Bu ilovani istagan inson o’z mobil telefoniga, kompyuteriga o’rnatishi mumkin. O’rnatgandan so’ng bu ilova oynasida xizmat turlari chiqadi, keyin mijoz istagan xizmat turiga (to’yda ishlovchilar, bog’ ishlari uchun, qurilish ishlariga v.h) kiradi va ishchilarni tanlab buyurtma berishi mumkin. Ilovada ishchilar ro’yhatiga kirganda ishchilarning ism-sharifi, yoshi, jinsi, qayerda yashashi va eng muhimi so’g’lomligi to’g’risida ma’lumot bo’ladi. Mijoz esa o’z ishiga qarab tanlashi mumkin.

Bu ilovada bundan tashqari to’yxonalar ro’yxati, kasalxonalar va yollanib ishlovchi enagalar ro’yhati bo’ladi.

To’yxonaga kelsak, hozircha Qo’qon hududidagi to’yxonalar ro’yhati kiritiladi. Bunda to’yxonalardagi xizmatlar ro’yhati, ularning xizmat narxlari va qaysi hududda joylashganligi ko’rsatiladi. To’yxonaning to’liq rasmi va video lavhasi bo’lishi ham mumkin.

Kasalxonalar haqida gapiradigan bo’lsak, xususiy kasalxonalar xaqida ma’lumot bo’ladi. Kasalxonadagi xizmatlar, qaysi kasalliklar davolanadi, shifokorlar ro’yxati va ular xaqida ma’lumot bo’ladi. Bundan tashqari kasalxonadagi xizmatlar narxi va joylashgan joyi haqida ma’lumot bo’ladi.

Yollanib ishlovchi enagalar. Bu ishchilar haqida ham ilovada maxsus oyna bo’ladi. Bunda enagalarni har kuni yoki faqat dam olish kunlari uchun buyurtma berish mumkin. Ilovada enagalarning yoshi, jinsi, xizmat narxi va qayerda yashashi ko’rsatiladi.

Bundan tashqari, barcha xizmat turlarimizning ishchilari yoki korxonaning mobil telefon raqami kiritiladi.

Bu ilovada bulardan tashqari boshqa xizmat turlarini kiritishimiz mumkin. Misol uchun market xizmati, qurilish xizmati, yuridik xizmat, restoranlar xizmati va boshqa turdagi xizmatlar. Lekin bular bosqichma-bosqich ilovaga kiritilib boriladi.