Qo’qon shahar xtb tasarrufidagi 7-umumiy o’rta ta’lim maktabi

Qo’qon shahar
XTB tasarrufidagi 7-umumiy o’rta ta’lim maktabi
O’IBDO’ Rahimova Dilnozaxonning
boshlang’ich sinflarida olib borilgan ishlar yuzasidan haftalik
HISOBOTI
Qo’qon shahar 7-umumiy o’rta ta’lim maktabi boshlang’ich sinflarida(1-4-sinflar) 28-martdan 1-aprelgacha quyidagi ishlar amalga oshirildi. Har kuni har bir sinflarda davomat olinib, davomat jurnaliga qayd qilindi va maktab rahbariga davomat bo’yicha kunlik hisobotlar berib borildi. Seshanba 29-mart kuni boshlang’ich sinf o’qituvchilaridan 8 nafari malaka toifalari bo’yicha test sinovlarida qatnashib kelishdi. Bu haqida test sinovlari yakunlangandan so’ng maktab rahbari va XTB ga o’qituvchilarning to’plagan ballari va o’tgan malaka toifalari haqida jadval asosida yozma ma’lumot topshirildi. Hafta davomida har bir sinflar kesimida Maktab “Odob-axloq qoidalari” o’quvchilarga tushuntirilib, ularning darslarga o’z vaqtida kelishlari, darsliklar masalasi, forma va boshqa maktab ichki qonun –qoidalari haqida o’quvchilarga tushunchalar berib borildi. Bundan tashqari har bir sinflarning aylanma va nazorat ishi daftarlari tekshirib, ko’rib chiqildi, aniqlangan kamchiliklar haqida sinf rahbarlariga ma’lumot berildi. O’qituvchilarning dars o’tish metodikasi va pedagogik mahoratlarini o’rganish bo’yicha boshlang’ich sinflarda fanlar kesimida dars tahlillariga kirilib, tahlil qilingan darslar yutuq va kamchiliklari haqida o’qituvchilarga ma’lumot berildi. 1-aprel kuni boshlang’ich sinf o’quvchilari “Maktabga kitob sovg’a qilaman”aksiyasi ostida kitob marafonida ham faol ishtirok etib,maktab kutubxonasiga 100 ga yaqin kitoblar sovg’a qilishdi. Mazkur haftada har bir o’qituvchi va o’quvchilar to’liq rahbar, o’rinbosarlar va sinf rahbarlar nazoratida bo’lib, kelgusi haftada qilinadigan ishlar rejalashtirib olindi.

O’IBDO’: Rahimova D