Qo‘qon Davlat pedagogika instituti

Қўқон Давлат педагогика институти Физика-математика факультети Информатика ўқитиш методикаси кафедраси ўқитувчиси A.Қ.Абдуллаев томонидан Фарғона вилояти Бешариқ тумани 40-умумий ўрта таълим мактабида “Фанларни ўқитишда замонавий ахборот-коммуникацион технологиялардан фойдаланиш” мавзусида ўтказилган мастер-класс


БАЁННОМАСИ
14 март 2019 йил Шайтонкўл қишлоғи
Қатнашдилар:
ҚДПИ информатика ўқитиш методикаси кафедраси ўқитувчиси A.Қ.Абдуллаев, Фарғона вилояти Бешариқ тумани 40-умумий ўрта таълим мактабининг 25 нафар ўқитувчилари.
Кун тартибидаги масалалар:
1. Кириш сўзи.
2. Маъруза: “Фанларни ўқитишда замонавий ахборот-коммуникатцион технологиялардан фойдаланиш”, A.Қ.Абдуллаев
4. Фикрлар ва тадбир юзасидан муҳокамалар.
Эшитилди:
Кун тартибидаги 1-масала юзасидан Фарғона вилояти Бешариқ тумани 40-умумий ўрта таълим мактаби директори Л.М.Турсуматов сўзи тингланди: Бугунги кунда юртимизда ҳар бир инсон ўз қадр-қимматига, муносиб тарзда озод ва эркин яшаш, меҳнат қилиш, ўз меҳнати натижаларидан манфаатдор бўлиш, барча ҳуқуқ ва эркинликларидан дахлсиз равишда фойдаланиш имкониятига эгадир. Президентимиз Ш.М.Мирзиёев томонидан таълим соҳасини ривожлантиришга қаратилган турли йиғилишларида “Ўз олдимизга қўйган эзгу орзу-ниятларимизга етмоқчи, мамлакатимиз тараққиётини жадал ривожлантирмоқчи бўлсак, Ватанимизнинг халқаро майдондаги ўрни ва нуфузини яна оширмоқчи, жондан азиз фарзандларимизнинг бахту-камолини кўрмоқчи бўлсак, бунинг асосий шарти ва омили фақат битта - ҳаётга кириб бораётган ёш авлодни ҳар томонлама қўллаб - қувватлаш, унинг олдида кенг йўл очиб бериш, бунинг учун барча имкониятларимизни сафарбар этишдан иборат”- деб кўрсатдилар.
Таълим соҳасидаги ислоҳотлар, кадрлар тайёрлаш “Миллий модели” Президентимиз томонидан ишлаб чиқилган ва асослантирилган. Бу жуда катта ўзгаришларни амалга оширишни ва маблағларни сарфлашни тақозо этади. Амалга оширилган бу ҳаракатларнинг ҳуқуқий асоси Республикамиз Конституцияси, “Таълим тўғрисидаги Қонун”, “Кадрлар тайёрлаш миллий дастури” тўғрисидаги ҳуқуқий нормаларни қабул қилиниши билан боғлиқ. Унинг мақсад ва вазифалари аввало миллий қадрни, шахсни, баркамол авлодни тарбиялашга қаратилгандир. Шулардан келиб чиқиб бугунги “Фанларни ўқитишда замонавий ахборот-коммуникатцион технологиялардан фойдаланиш” мавзусидаги мастер-классни Қўқон давлат педагогика институти информатика ўқитиш методикаси кафедраси ўқитувчиси A.Қ.Абдуллаев томонидан ўтказилиши ҳам айни муддаодир.
Кун тартибидаги 2-масала юзасидан Қўқон давлат педагогика институти Информатика ўқитиш методикаси кафедраси ўқитувчиси A.Қ.Абдуллаев сўз олди ва “Фанларни ўқитишда замонавий ахборот-коммуникатцион технологиялардан фойдаланиш” мавзусида мастер-класс машғулотини ўтиб берди.
Мастер-класс машғулоти замонавий компьютер техникаси ва воситалари билан жиҳозланган хонада ташкил этилиб, умумий ўрта таълим мактаблари ўқув сеткасида кўрсатиб ўтилган фанларни илғор ўқитиш технологияларидан фойдаланган ҳолда ташкил этиш, машғулотлар жараёнида техника воситалари имкониятларидан фойдаланиш, илғор хорижий таълим технологиялари, жумладан ўқитишнинг модул-кредит тизими шунингдек, сўнгги компьютер техникасининг дастурий таъминоти янгиликлари, электрон дарсликларнинг таълим сифатини оширишдаги ўрни каби долзарб мавзулар бўйича ўз фикрларини билдириб, мавзуга оид видеороликларни иштирокчиларга тақдим этди.
Шундан сўнг иштирокчилар томонидан мавзу юзасидан турли фикрлар эшитилди ва савол-жавоблар ўтказилди.