Qoplama hosil qiluvchi polimerlar texnologiyasi

BIOTEXNOLOGIK USULLAR
Bu usullarning 3 xili; biomassa, biofilg’trlar va bioskrubberlardan foydalanish ko’proq ahamiyat kasb etmoqda. Bu, ayniqsa, qurilmalardan chiqayotgan havo doimiy bo’lmaganda va erituvchilar bilan kuchli ifloslanmaganida kuzatiladi, biroq ularning xajmi va miqdori davriy o’zgarib turadi (boshacha aytganda, havoning erituvchilar kuchli ifloslanishi va nisbatan tinch davrlar).

-Biomassa – bu tabiiy filg’trlovchi modda, mikroorganizmlarga to’la torf chiqindilari va po’stlog’idir, ular uchun erituvchilar yaxshi ozuqa modda hisoblanadi. Biroq erituvchilar biologik parchalanuvchan va suvda biroz eruvchan bo’lishi lozim. Tozalanayotgan havo harorati 40-50^oC dan yuqori bo’lmay va, shu bilan birga, yuqori nisbiy namlikka ega bo’lishi kerak.

- Biofiltrlar va biofilg’trlovchi “matlar”, bir vaqtning o’zida yutuvchi, buferlar yoki yig’uvchilar, shuningdek ozuqa modda vazifasini bajaradi. Ular hozirda izlanish bosqichida.

- Bioskrubberlar, ular suspenziyada (aktivlashtirilgan shlam) va statsionar holatda mikroblar saqlaydi.

QO’LLANILISHI

Amaliyotda ko’pincha turli usullardan birgalikda (kombinirlash) foydalaniladi. Bu narx – rentabellik ko’rsatkichi, shuningdek ish samaradorligini yaxshilaydi. Masalan, adsorbtsiya/ desorbtsiya bosqichidan keyin erituvchi bug’ini yig’ib olish uchun yana bir qo’shimcha bosqich keladi, buning natijasida olingan erituvchi kontsentratsiyasi yuqori bo’ladi. Ikki ko’p tarqalgan usulni quyida keltiramiz:

ADSORBTSIYA + YONISH yoki
ADSORBTSIYA + MEMBRANALI FILTRLASH + KONDENSATSIYA
Bu usullardan tashqari, ba’zan erituvchi kontsentratsiyasi yuqori bo’lganda kiruvchi toza havo miqdorini kamaytirish va havo massasi tsirkulyatsiyasini ko’paytirish hisobiga qurilmadan foydalanish mumkin.

Tozalashning optimal usulini belgilash uchun havo tarkibidagi erimtuvchi qoldig’i miqdorini va tabiatini sinchiqlab aniqlash, shuningdek muayyan iqtisodiy va texnik shartlarni hisobga olish zarur. Ko’pincha muayyan iste’molchilar uchun maxsus qurilmalar loyihalash zarurati kelib chiqadi.