Kulrang g‘ozlar uchdilar,
Ko‘lmakchaga qo‘ndilar.
U yon, bu yon qarashib,
Yana uchib ketdilar 1, 2, 3…
O‘ng qo‘limda besh barmoq,
Chap qo‘limda besh barmoq,
Ikkalasi esh barmoq.
Har birining nomi bor,
O‘z o‘rnida joyi bor.
Boshmaldoq, boshbarmoq,
O‘rta terak, xo‘jaterak,
Kenja buva –
Hammasi bo‘lib
O‘n barmoq. (chapak chalinadi)
Yozuvning o‘ziga xos tomoni shundaki, o‘quvchilar qo‘lni uzmasdan yozadi, bo‘g‘inlab yozishga o‘rgatiladi. Yozuv daftarining shakli harflarning kichik shakliga moslashtirilgan. Mana shu harflar bir maromda, uzluksiz, qo‘lni uzmasdan yozishga mo‘ljallangan.
Yozuv darslarida o‘quvchilar bilan ko‘proq yakkama-yakka ishlashga to‘g‘ri keladi. Yozuv darsining 30 daqiqasi yozuvga ajratiladi. 15 daqiqasi esa boshqa ish turlariga sarflanadi. Yakkama- yakka ishlash orqali yozuv tezligini rivojlantiramiz. Darsda 20 ta so‘zni, har daqiqada 4 ta harfni yozish kerak.
Sinf o‘quvchilari bilan olib boriladigan ommaviy ishlarda tayyorgarligi bo‘sh bolalar yana ko‘proq orqada qoladilar, puxta tayyorgarlik bilan kelgan bolalar esa zerikadilar. Oddiy dars sharoitida o‘qituvchi, asosan, saviyasi o‘rtacha o‘quvchiga mo‘ljallab ish ko‘radi. Bunda bo‘sh o‘zlashtiruvchi ayrim o‘quvchilar bilan darsdan keyin ishlanadi va u o‘quvchi dam olish hisobiga o‘quv ishini yana davom ettirishga majbur bo‘ladi, natijada charchaydi, kuchli o‘quvchi esa unga e’tibor berish natijasida zerikadi. Differensial yondashish yuqoridagi kamchiliklarni qisman bo‘lsa ham yo‘qotishga imkon beradi, chunki bunda o‘quvchilar guruhlarga bo‘linadi, har bir guruhning saviyasi va imkoniyatiga mos topshiriqlar beriladi.
Differensial ta’lim izchil o‘tkazib turilgandagina yaxshi natija beradi.
Hozirgi vaqtda yozuvga o‘rgatish uchun ikki chiziqli daftar tavsiya etiladi. Xattaxta ham shunga mos bo‘lishi talab qilinadi, 2-sinfdan, ba’zan 1-sinfda o‘quv yilining ikkinchi yarmidan boshlab bir chiziqli daftarga yozishga o‘tiladi.
Daftar tutishda bolalarni hoshiya qoldirishga, daftar chiziqlariga rioya qilishga, harflarni bir xil hajmda yozishga, sarlavhani aniq va to‘g‘ri ajratishga, xat boshidan yozishda joy qoldirishni unutmaslikka o‘rgatib borish ularda saranjom-sarishtalikni tarbiyalaydi. Yozuv darsida o‘quvchilar “Yozuv daftari” bilan ishlaydilar. Sinfda o‘rganilgan harfni uyda mashq qilish uchun alohida daftar bo‘lishi kerak.
O‘qituvchi yozish vaqtida 65° qiyalikda yozishni, buning uchun daftar parta ustiga 25° qiyalikda qo‘yilishini amaliy ko‘rsatib turadi.
Do'stlaringiz bilan baham: |