Qism Funksiyalarni e’lon qilish, murojat qilish va qiymat berish

2. Funksiyani e’lon qilish
Key Point. Funksiyaning e’lon qilinishi funksiya nomi, parametrlari, qaytariluvchi qiymat turi va funksiya tanasidan iborat.
Funksiyani e’lon qilish sintaksisi quyidagicha ko`rinishga ega:
returnValueType functionName(list of parameters)
{
// Function body;
}
Keling, ikki sondan qaysi biri kata ekanligini aniqlovchi funksiyani qaraymiz. Bu funksiya int turida, son1 va son2 parametrlardan tashkil topgan, berilgan ikki sondan kattasini topishga mo`ljallangan va  max deb nomlangan.

1.1-rasm. Biz funksiyalarni e’lon qilishimiz va argumentlar bilan chaqirib olishimiz mumkin.
Funksiya qiymat qaytarishi mumkin. Qaytariluvchi qiymat turi – bu o`sha qaytariluvchi qiymatning ma’lumot turi. Ba’zi hollarda funksiya tomonidan qiymat qaytarmasligi talab qilinadi. Bundan hollarda qaytariluvchi qiymat turi void – kalit so`zi orqali ifodalanadi. Misol uchun, qaytariluvchi qiymat turi srand funksiyasida void hisoblanadi. Bajarilishdan so`ng qiymat qaytaruvchi funksiyalar qiymat qaytaruvchi funksiyalar, qiymat qaytarmaydigan funksiyalar esa, void funksiyalar deb ataladi.
Funksiya tarkibida e’lon qilingan o`zgaruvchilarni formal parametrlar yoki oddiy qilib, parametrlar deb atash mumkin. Parametr o`rin egallovchiga o`xshaydi. Funksiya chaqirilganda parametrlarga qiymat kiritamiz. Bu qiymat faol parametr yoki argument sifatida kiritiladi. Funksiyaning parametrlar ro`yxati turni, tartibni va funksiyadagi parametrlar sonini ifodalaydi. Funksiya nomi va parametrlar ro`yxati birgalikda funksiya bosh qismi ni tashkil etadi. Funksiyada parametrlarni ishlatish majburiy emas, funksiya parametrlarga ega bo`lmasligi ham mumkin. Masalan, rand() funksiyasi parametrga ega emas. Funksiya tanasi, funksiya chaqirilganda hisoblanishi lozim bo`lgan ko`rsatmalar jamlanmasidan iborat. max funksiyasininig tanasida ikki sondan kattasini aniqlovchi if operatoridan iborat. Natijani qaytarishga mo`ljallangan qaytarish ko`rsatmasi return – kalit so`zi orqali beriladi. U funksiya tomonidan bajarilgan hisoblashlar natijasi bo`1gan qiymatni qaytarishga mo`ljallangan. return ko`rsatmasi ishlatilgandan so`ng funksiyadan chiqiladi.