Qishloq xo‘jalik ekinlarini zararkunandalari, kasalliklari va ularga qarshi kurash choralari

Kurash choralari.

• 
  bog‘larda doimo yuqori agrotexnik tadbirlari o‘tkazish;
  
• 
  tuproqning qurib qolishiga yo‘l qo‘ymaslik;
  
• 
  zararlangan novdalarni qirqib, bog‘dan chiqarib tashlash;
  
• 
  bog‘ qator oralarini kuzda shudgorlash, yaxob suvi berish;
  
• 
  fosforli va kaliy o‘g‘itlar bilan o‘g‘itlash;
  
• 
  kimyoviy ishlov berish.
  

3.17-rasm. Un shudring va parsha
(qo‘tir) kasalligi.

Shaftolining barg bujmayishi - kasallik namgarchilik ko‘p bo‘lib, kunduz kuni iliq bo‘lgan vaqtda yaxshi rivojlanadi.

3.18-rasm. Shaftolining barg bujmayishi.
Shaftoli – bahorda barglar bujmayib qalinlashadi va yashil rang o‘rniga qizil yoki sariq bo‘ladi. Kasallangan barglar yoz boshida to‘kiladi. Novdalarni ham zararlab qurishiga olib kelishi mumkin. Kasallik shaftolining barg va novdalarini hamda mevasini zararlaydi. Kasallikning bu ikki formasi ham erta bahorda vegetasiyani boshlanishida paydo bo‘ladi. Kurtakdan yozilgan barglar sarg‘ish yoki qizg‘ish – pushti rangga kiradi (3.18 rasm). Kasallangan barglar sog‘lom barglardan yirik bo‘ladi, chunki bu barglardagi to‘qimalarning o‘sishi bunga olib keladi. Ayniqsa bir yillik kasallangan novdalarning pastki qismidan o‘sgan barglar juda o‘sib ketadi. Ikki haftadan oshgan barglar kasallanmaydi.

Kasallanib yalang‘ochlanayotgan novdalarning barglarini to‘kilishi pastki tarafidan boshlanganligi tufayli bunday novdalar popuksimon bo‘lib qoladi. Ko‘pchilik kasallangan novdalar quriydi, qolganlari esa birinchi sovuqdayoq sovuq urib ketadi. Kasallik natijasida barglarning to‘kilib ketishi daraxtning rivojlanishini susaytiradi va yaxshi rivojlanmagan daraxtlar sovuqqa chidamsiz bo‘lib qoladi, shu sababli ham bunday daraxtlar tez quriydi.