Qishloq xo‘jaligiga mo‘ljallangan yer uchastkalarini ijaraga berish tartibiga doir normativ-huquqiy hujjatlarni tasdiqlash to‘G‘risida

V-BLOK. Qo‘shimcha imkoniyatlar beruvchi koeffitsiyentlar (avtomatik ravishda baholanadi)
7.
Yer uchastkasi joylashgan hudud (MFI)da yashovchi talabgor
2,0
Yer uchastkasi joylashgan tumanda, biroq boshqa hudud (MFY)da
yashovchi talabgor
1,5
Yer uchastkasi joylashgan viloyatda, biroq boshqa tuman (shahar)da
yashovchi talabgor
1,1
8. “Temir daftar”, “Ayollar daftari” va “Yoshlar daftari”ga kiritilgan talabgor
1,1
Jami
Vazirlar Mahkamasining 2021-yil 22-
noyabrdagi 709-son 
qaroriga 
2-ILOVA
Yuridik shaxslarga qishloq xo‘jaligi maqsadlari uchun yer uchastkalarini ijaraga berishning
MA’MURIY REGLAMENTI
1-bob. Umumiy qoidalar
1. Ushbu Reglament yuridik shaxslarga (dehqon xo‘jaliklaridan tashqari) qishloq xo‘jaligiga
mo‘ljallangan yer uchastkalarini qishloq xo‘jaligi maqsadlari uchun ochiq elektron tanlov orqali
ijaraga berish tartibini belgilaydi.
2. Mazkur Reglament talablari:
a) dehqon xo‘jaligi yuritish uchun qishloq xo‘jaligiga mo‘ljallangan yer uchastkalarini ijaraga
berishga;
b) o‘rmon fondi yerlarini ijaraga berishga;
v) O‘zbekiston Respublikasi Yer 
kodeksiga
muvofiq Vazirlar Mahkamasi tomonidan qishloq
xo‘jaligiga mo‘ljallangan yer uchastkalarini ijaraga berishga;
g) qishloq xo‘jaligiga mo‘ljallangan yer uchastkalarini ikkilamchi ijaraga berishga nisbatan
tatbiq etilmaydi.

---

3. Ushbu Reglamentda quyidagi asosiy tushunchalardan foydalaniladi:
vakolatli tashkilotlar — yer tuzish loyihalarini kelishadigan tashkilotlar — O‘zbekiston
Respublikasi Qishloq xo‘jaligi vazirligi (yer uchastkasidan foydalanish maqsadi va ixtisosligi
bo‘yicha), Suv xo‘jaligi vazirligi (suv ta’minoti, irrigatsiya va melioratsiya inshootlari bo‘yicha) va
Davlat soliq qo‘mitasi huzuridagi Kadastr agentligining Davlat kadastrlari palatasi (yer uchastkasi
chegaralari bo‘yicha) hududiy bo‘linmalari;