Qishloq xo’jaligida mehnat resurslaridan foydalanishni tashkil etish

3

ta’minlash mehnat bozorini xalqaro miqyosda ro’y berayotgan islohotlarga bog’liq qilib qo’ymoqda.

Prezidentimizning mamlakatimiz parlamentiga qilgan Murojaatnomasida alohida to’xtalib o’tilganidek, “Bugun biz davlat va jamiyat hayotining barcha sohalarini tubdan yangilashga qaratilgan innovasion rivojlanish yo’liga o’tmoqdamiz. Bu bejiz emas, albatta. Chunki zamon shiddat bilan rivojlanib borayotgan hozirgi davrda kim yutadi? Yangi fikr, yangi g’oyaga, innovasiyaga tayangan davlat yutadi. Iqtisodiyotni erkinlashtirish sharoitida davlat mehnatga layoqatli aholini ish bilan bandligini ta’minlash, ishsizlik darajasini kamaytirish va mehnat bozorini tartibga solish bo’yicha faol ijtimoiy-iqtisodiy siyosat olib boradi. Zero, mehnat salohiyatidan foydalanish, uning iqtisodiy samaradorligini oshirish milliy iqtisodiyotni rivojlantirish, aholi turmush darajasini oshirish va ijtimoiy hayotini yaxshilash taraqqiy etgan mamlakatlar qatoriga qo’shilishning muhim manbasi bo’lib hisoblanadi.
Mamlakatimiz Prezidenti Sh.M.Mirziyoyev ta’kidlaganlaridek, “Yurtimizda yiliga 1,5 million odamni ishga joylashtirishga ehtiyoj bo’lsa-da, o’tgan yili Bandlikka ko’maklashish markazlari atigi 248 ming kishini yoki 16,5 foizini ishga joylashtirgan. Buning asosiy sabablari ish faoliyatidagi eskirgan shakl va usullar hamda bandlik muammolarini hal etishdagi rasmiyatchilik bilan bog’liq”².
Mamlakatda fermerlik harakati qishloq xo’jalik mahsulotlarining asosiy ishlab chiqaruvchisiga hamda agrar sohani va u bilan bog’liq bo’lgan boshqa tarmoqlarni hamda ishlab chiqarishlarni yanada rivojlantirish, shuningdek, aholining turmush darajasi va sifatini oshirish uchun mas’uliyatni o’z zimmasiga olishga qodir bo’lgan qudratli ijtimoiy-siyosiy kuchga aylanib bormoqda.
Kurs ishining maqsadi qishloq xo’jaligida mehnat resurslari holatini va undan oqilona foydalanishni yanada yaxshilash orqali tarmoq iqtisodiy samaradorligini oshirishga doir ilmiy xulosa va amaliy takliflar ishlab chiqishdan iborat. Qo'yilgan maqsad asosida kurs ishining tadqiqotning vazifalari sifatida quyidagilar tanlab olindi:

• 
  mehnatga oid tushunchalarning ilmiy adabiyotlarda nazariy yoritilishini tahlil qilish;
  
• 
  fermer xo’jaliklari ishlab chiqarishi uchun foydalanilayotgan resurslar salohiyatini o’rganish;
  
• 
  tuman fermer xo’jaliklarida qishloq xo’jaligida mehnat resurslaridan foydalanish holatini o'rganish va tahlil qilish;
  
• 
  fermer xo’jaliklarida mehnat resurslaridan oqilona foydalanishni yaxshilashga ta’sir etuvchi omillarni tahlil etish;
  
• 
  qishloq xo’jaligi ishlab chiqarishida mehnatdan oqilona foydlanishni yaxshilashga doir taklif va tavsiyalar ishlab chiqish.
  

² O’zbekiston Respublikasi Prezidenti Sh. Mirziyoyevning mamlakatimizni 2016 yilda ijtimoiy-iqtisodiy rivojlantirishning asosiy yakunlari va 2017 yilga mo’ljallangan iqtisodiy dasturning eng muhim ustuvor yo’nalishlariga bag’ishlangan Vazirlar Mahkamasining kengaytirilgan majlisidagi ma’ruzasi // Xalq so’zi, 2017 yil 16 yanvar, №11 (6705).