Qarshi muxandislik iqtisodiyot instituti neft va gaz fakulteti texnologik mashinalar va jihozlar kafedrsi 3-kurs talabasi mirzayev zuhriddin ning Neftkimyo va neftgazni qayta ishlash jihozlari fanidan mustaqil ishi

1. Neft va gazni istalgan bosqichda qayta ishlash jarayonlarida turli xildagi pechlar va ularning har xil konstruktiv bajarilishlari qо‘llanildai. Quvurli pech neft va neft mahsulotlarini isitishga mо‘ljallangan uskuna bо‘lib, pechning kamerasida yonilg‘ini yoqishdan hosil bо‘lgan yuqori haroratli yonish mahsulotlarining issiqlig‘idan foydalanishga asoslangan. Quvurli pechda isitilishi lozim bо‘lgan xom ashyo zmeyevikning quvurlari ichidan harakat qiladi, yonishdan hosil bо‘lgan issiq mahsulotlar esa quvurlarning tashqari yuzalarini siypab о‘tadi. Zamonaviy quvurli pechlar odatda ikkita kamerali bо‘ladi: 1) radiant kamerasi, bu yerda yonilg‘i yonadi va issiqlik qizdirilgan yonish mahsulotlaridan va devorlar yuzasidan quvurlarga asosan nurlanish orqali beriladi; 2) konveksiya kamerasi, bu yerda yonishdan hosil bо‘lgan issiq mahsulotlarning quvurlar bilan tо‘qnashuvi paytida issiqlikning quvurlarga asosan konveksiya yо‘li bilan berilishi yuz beradi. Quvurli pechlar neft va gazni qayta ishlash, neft kimyosi, koks kimyosi va sanoatning boshqa tarmoqlarida keng tarqalgan bо‘lib, turli texnologik jarayonlar (neft va mazutni haydash, piroliz, katalitik kreking, riforming, gidrotozalash, moylarni tozalash va hokazo)da ishlatiladi va kо‘plab qurilmalarning muhim qismi hisoblanadi.