Qarshi davlat universiteti zologiya va fi ziologiya kafedrasi zoogeografiya fanidan

Papuas (Yangi Gvineya) hududi Tselebes, Timor, Molukk, Yangi Gvineya, Solomonov orollarini, Bismark arxipelagi hamda qator mayda orolchalarni o`z tarkibiga birlashtiradi. Avstraliya orolining qadimda Yangi Gvineya bilan tutash bo`lganligini hamda ularning landshaftlari o`zaro o`xshashligini inobatga olgan holda, Papuas hududiga Avstraliyaning chekka shimoliy qismini ham kiritish mumkin.

Faunasining asosiy qismi tropik va subtropik o`rmonlarda tarqalgan bo`lib, ular asosan Yangi Gvineya va materiklarning shimoliy-sharqiy chekkasiga to`g`ri keladi. Faunasi tarkibida turlar soni ko`p. Hayoti tropik o`rmonlar bilan bog`liq bo`lgan hayvonlar guruhi dominantlik qiladi.
Bu yerda sut emizuvchilarning (qo`lqanotlilardan tashqari) 38 avlodi uchraydi. Qo`lqanotlilar juda xilma-xil bo`lib, ularning 8 avlodi endemiklar sanaladi. Sut emizuvchilardan xaltalilar va bir teshiklilar xarakterli turlardir. Bir teshiklilardan yexidna va proyexidnalar uchraydi. Bu yerda tog`-o`rmon landshaftlarining ko`pligi tekislik mintaqalarida yashashga moslashgan yirik kenguruturlarining uchrashini cheklaydi. Bu joylarda daraxtlarda yashovchi mayda tovushqonsimon kengurular, bandikutlar va boshqalar uchraydi. Yuksak sutemizuvchilar faunasi suv sichqonlari, papuas cho`chqasi va ko`p sondagi qo`lqanotlilardan tashkil topgan.
Qushlarning 151 avlodi uchraydi va ulardan 87 tasi endemiklarga to`g`ri keladi. Bu yerda kazuarlarning 3 turi, kapachi qushlar va jannat qushlari tarqalgan. To`tilardan qora va oq kakadu, kaptarlardan yirik kaptar uchraydi. Ko`k targ`oqlar va xas tovuqlar turli-tuman bo`lib, zichligi bo`yicha yuqori ko`rsatkichga ega. Yirtqich qushlardan garpiya qayd etiladi.
Reptiliyalar kam, gekkonlarning endemik avlodi va toshbaqalarning endemik oilasiga mansub turlartarqalgan. Reptiliyalar faunasining asosini gekkonlar, stsinklar, echkemarlar, timsoh, terili toshbaqa, ko`p turdagi ilonlar (ularning katta qismini zaharli ilonlar) tashkil etadi. Amfibiyalardan baqalar uchraydi.
Avstraliya faunasi tarkibida mezazoy va uchlamchi davrda yashagan hayvon turlari saqlanib qolgan. Ularga xaltalilar va tuxum qo`yuvchilarni misol qilish mumkin. Fauna tarkibida bu kabi qadimiy turlarning bo`lishi faunaning turli biotik va antropogen omillar ta`siridan nisbatan tez o`zgarishiga hamda fauna tarkibida turlar soni kamayishiga sabab bo`lmoqda.