Qarshi davlat universiteti

Ishning ilmiy- uslubiy yangiligi: “Kiyim detallarini ipli birlashtirish” mavzusi bo’yicha amaliy mashg’ulotlarning modulli tuzilmasini ishlab chiqildi. 2 ta amaliy mashg’ulotning texnologik xaritasi, modul dasturi, test topshiriqlari mavzu mazmunini yorituvchi tarqatma materiallar va ko’rgazmali slaydlar tayyorlandi.

Ishning amaliy ahamiyati shundaki, mavzuni o’qitish bo’yicha ishlab chiqilgan tavsiyalarni “Yengil sanoat mahsulotlari texnologiyasi” yo’nalishidagi kasb-hunar kollejlarida maxsus fanlarni o’qitishda, dars jarayonida, amaliyot davrida, to’garaklarda o’qituvchilar, to’garak rahbarlari, amaliyotchilar va o’quvchilar foydalanishi uchun tavsiya etish mumkin.

Bitiruv ishi kirish, 3ta bob, 8 ta bo’lim, xulosa, adabiyotlar ro’yxati va ilovalardan iborat.

I bob. Kiyim detallarini ipli birlashtirish usullari.
1.1 Kiyim detallarini qo’lda ipli birlashtirish usullari

Tikuvchilik buyumlari asosan, buyum detallarini o’zaro biriktirishdan hosil qilinadi. Kiyim detallariga ishlov berish va ularni biriktirib tikish uchun ip, yelim va payvandlash usulidan foydalaniladi.

Ip bilan biriktirish usulida iplar tikuv buyum detallarini biriktirishda asosiy vosita hisoblanadi. Ip bilan biriktirishda turli xil iplardan foydalaniladi. Tabiiy (paxta, zig’ir, ipak), sintetik (poliamit, poliefir) va sun’iy (visokoza, polinoza,) iplari shunday iplar qatoriga kiradi[14,15].

Yelim bilan biriktirishda esa buyum detallari bir – biri bilan yelimli material yordamida biriktiriladi.

Payvandlab biriktirish kontaktdan chiqadigan issiqlik yoki qizdirilgan qattiq asbobni nur sochishi xisobiga kiyim detallarining biriktirilishidir.

Ip yordamida kiyim detallarini ulashda ishlar ijro etish usuliga qarab, qо‘lda yoki mashrinada bajariladigan bо‘lishi mumkin.