Qarshi davlat univеrsitеti

Tadqiqot maqsadi va vazifalari. Dissertatsiyaning asosiy maqsadi o‘zbek tili kulolchilik terminologiyasini kompleks tarzda tadqiq etishdan iborat. Kuzatilgan maqsadga erishish uchun quyidagi vazifalarni bajarish ko‘zda tutilgan:

• 
  kulolchilik terminologiyasining shakllanish jarayoni va tarixini tadqiq
  

etish;

• 
  kulolchilik terminologiyasiga tegishli lisoniy birliklarni qadimiy yozma
  

manbalarda aks etish jarayonlarini yoritish;

• 
  kulolchilik terminologiyasining hozirgi lug‘atlarda berilishi va izohlanishini o‘rganish;
  
• 
  kulolchilik san’atiga bag‘ishlangan ilmiy, o‘quv-uslubiy ishlarni tadqiq etish va ularga munosabat bildirish;
  
• 
  kulolchilik terminologiyasi birliklarining mavzuviy (tematik) guruhlarini ishlab chiqish;
  
• 
  kulolchilik buyumlarining sirti, ichki tomonida chizilgan turli shakllar, bezaklar va gullarning nomlarini aniqlash va ilmiy muomalaga olib kirish;
  
• 
  kulolchilik terminologiyasi tizimini tashkil etuvchi til birliklarining genetik xususiyatlarini tadqiq etish;
  
• 
  kulolchilik terminologiyasi birliklarining semasiologik xususiyalarini o‘rganish;
  
• 
  kulolchilik terminlarining qisqacha izohli lug‘atini tuzish.
  

Tadqiqotning ilmiy yangiligi. O‘zbek tilining kulolchilik terminologiyasi ilk marta ilmiy asosda tadqiq etildi.
Tadqiqotning asosiy masalalari va farazlari. Tadqiqotning asosiy masalalari uning oldiga qo‘yilgan maqsad va vazifalardan kelib chiqadi.

1. 
   faraz. O‘zbek tilshunosligida kulolchilik terminlari to‘liq to‘planmagan va ilmiy muomalaga kiritilmagan. Kasb-hunar leksikasiga bag‘ishlangan ayrim tadqiqotlarda ushbu soha terminologiyasi nazariy jihatdan tadqiq etilmagan.
   
2. 
   faraz. O‘zbek kulolchiligi ko‘p asrlik tarixga ega bo‘lib, ular shu sohaga oid qo‘llanmalar, badiiy hunarmandchilikka bag‘ishlangan ishlar va turli lug‘atlarda tarqoq holda uchraydi. Shu boisdan ular jamlanishi va to‘planagan terminlarning lingvistik xususiyatlari tadqiq etilishi lozim.