Qarshi davlat universiteti tabiiy fanlar fakulteti

Miqdoriy analiz metodlarining sinflanishi: Miqdoriy analiz metodlari asosan 3 guruhga bo‘linadi.
1.Kimyoviy metodlar (gravimetrik, titrimetrik va gazlar analizi metodlari). Bu metodlarning asosida kimyoviy reaksiyalar yotadi. O‘z navbatida bular ham yana bo‘linib ketaveradilar. Kimyoviy metodlarni bilmay turib boshqa metodlardan foydalanib bo‘lmaydi.
2.Fizikaviy metodlar (spektral, radiometrik, radioaktivatsion va boshqa metodlar). Analiz qilishda modda yoki elementlarning fizik xossalari o‘lchanib, shunga asosan natijalar olinadi. Bunda kimyoviy reaksiyalar ishlatilmaydi.
3.Fizik-kimyoviy metodlar (optik analiz, elektrokimyoviy analiz va boshqalar). Bu metodlarda kimyoviy reaksiya ishlatilib, oxirida moddaning biror fizik xossasi o‘lchanadi va shunga asosan natijalar olinadi. Moddaning tarkibini aniqlash uchun kimyoviy analizda uzoq vaqt sarflanadi. Fizikaviy metodlarda moddaning biror fizik xususiyati aniqlansa (solishtirma og‘irlik, elektr o‘tkazuvchanlik, nur sindirish koeffitsiyentini o‘lchash) kifoya. Modda eritmasining solishtirma og‘irligiga qarab, eritmadagi ishqor, kislotalarning foiz miqdorini aniqlash mumkin. Miqdoriy analiz qilinayotgan moddalarning miqdoriga qarab yana bir nechaga (makro-, yarimmikro-, mikro-, ultramikro-) bo‘linib ketadi. Ularning nazariy asoslari avvalgidek, lekin idishlar, pipetkalar, tarozilari boshqacha bo‘ladi. Analizga olinadigan miqdorlar quyidagi jadvalda keltirilgan.
Jadval № 1