Qaraqalpaqstan respublikasi 1-sanli mehribanliq úyiniń 4-klass muǵallimi belasarova darikoniń

QARAQALPAQSTAN RESPUBLIKASI
1-SANLI MEHRIBANLIQ ÚYINIŃ
4-KLASS MUǴALLIMI
BELASAROVA DARIKONIŃ
15-YANVAR KÚNI BOLIP ÓTKEN PEDAGOGIKALIQ KEŃESTE
"TÁLIM SIPATIN KÚSHEYTIRIWDE PEDAGOGIKALIQ AXBOROT-TEXNOLOGIYA INNOVACIYANIŃ ORNI" TEMASINDAǴI
JAZBA ESABATI

yanvar, 2021-jıl

Tálim sıpatın kúsheytiriwde pedagogikalıq axborot - texnologiya
innovaciyanıń ornı

Baslawısh klass sabaqlarında informaciyalıq texnologiyalarınan paydalanıw múmkinshilikleri hám ózine tán ózgeshelikleri

Xabar-kommunikaciya texnologiyaları degende neni túsinesiz?
Baslawısh tálimde xabar-kommunikaciya texnologiyalarınan paydalanıwdıń áhmiyeti nede dep oylaysız?
XKT-bul xabar-kommunikaciyalıq texnologiyalar.
Xabar-kommunikaciyalıq texnologiyalar - maǵlıwmatlardı ózinde toplaw, saqlaw, qayta islew, olardan paydalanıw quralları arqalı barlıq tarawlarda tez pát penen rawajlanıwǵa múmkinshilik jaratatuǵın texnologiyalar.
XKT arqalı oqıtıwdıń nátiyjeliligi
Esitiw
Oqıw
Ózin-ózi oqıtıw
Baqlaw
Izleniw
XKT baǵdarlamaları tekstlerdi redaktorlewge arnalǵan tekst redaktorı – Microsoft Office Word
Esaplı maǵlıwmatlar menen islewge arnalǵan elektron kesteli baǵdarlamalar - Microsoft Office Excel
Maǵlıwmatlardı prezentaciya, reklama etiwge arnalǵan baǵdarlama - Microsoft Office Power Point
Grafikalıq baǵdarlama – Adobe Photoshop
Animaciya tayarlaw baǵdarlaması – Flash
Audio hám video baǵdarlamaları – Media Player



Házirgi kúnde pedagogtıń professional sheberligin ele de arttırıw maqsetinde texnikalq qurallardan paydalanıwın jetilistiriw arqalı bilim beretuǵın páninde ushırasatuǵın intelektual máselelerdi sheshiwge qaratılǵan baǵdarlamalardan (programma) paydalana alıwı kerek.
Oqıtıwshılar erkin jumıs alıp barıw kónlikpesin qáliplestiriwi múmkin.
Baslawısh tálimde multimediyalı sabaqlardan paydalanıwda pedagoglardıń sheberligin arttırıw.
Házirgi waqıtta zárúr bolǵan zamanagóy talap bul - mekteplerdiń, baslawısh klass oqıtıwshılarınıń Word, Excel, Power Point dástúrlerinde sabaq islenbeler, didaktik materiallar jaratıw hár ayda maǵlıwmatlar bazasın jıynap barıwı, oqıtıwshılardıń sabaq waqtında kompyuter texnikalarınan paydalanıp sabaq alıp barıwın jolǵa qoyıw úlken áhmiyetke iye.
Sabaq alıp barıwda xabar-kommunikacion texnologiyalardan paydalanıw joqarı dárejede nátiyje beredi. Sebebi, sabaq waqtında oqıwshılarǵa maǵlıwmatlardı úlken ólshemde kórsete biliw hám túsindiriw, waqıttan utıw, qısqa waqıt ishinde kóbirek bilimler beriw imkaniyatına iye. Kompyuter texnikasına qosımsha proektor hám ekranlardan paydalanıw múmkin. Olar maǵlıwmatlardı úlken ólshemde kórsetetuǵın qurılma. Usı qurılmalar kompyuter menen birgelikte paydalanıwǵa mólsherlengen bolıp prezentaciya hám videoroliklardı kórsetiwde isletiledi.
Bul qurılmalar baslawısh klass oqıwshıları ushın tereń bilim alıwda tiykarǵı baylanıs wazıypasın atqaradı. Oqıwshılardıń sabaqqa tayarlıǵın joqarı darejege kóteredi.
Baslawısh klass oqıwshılarınıń sabaqqa qızıǵıwın jánede kóterıw maqsetinde kompyuterde multimediya ( audio, video) maǵlıwmatların usınıs etiw múmkin. Kompyuter házirgi kúnde esaplawlardı orınlap qana qoymastan, bálki muzika hám video maǵlıwmatlardı qayta islew hám usınıs etiw imkaniyatına iye.
Házirgi kúnde internet saytlarınıń hár qıylı túrleri bolıp, kompyuter, planshet hám mobil telefon brawzerleri jaratılǵan. Hár kimde mobil telefon kóriwimiz múmkin hám olar ańsat internetke kire aladı.
Mobil baylanısları sóylesiw hám SMS xabarlardı jiberiw emes, bálki mobil internet, elektron pochta, xabar almasıw hám fayllar almasiw imkaniyatı bar.
Demek, baslawısh klass oqıtıwshıları búgingi kúni zamanagóy xabar-kommunikacion texnologiyalarında islewdi májbúriy biliwleri shárt. Texnikadan paydalanıw arqalı sabaq alıp barıwdıń jetiskenligin asırıw menen birge, internet hám basqa baylanıs texnikaları menen maǵlıwmatlar almasıw kónlikpelerine iye bolıwı kerek. Bul álbette oqıtıwshı hám oqıwshılardıń bilim dárejesiniń artıwı ushın tiykar bolıp xızmet qıladı.
Juwmaqlap aytatuǵın bolsam házirgi kúnde 1-sanlı Mehribanlıq úyiniń baslawısh 4-klass oqıtıwshısı bolıp, bilim bermektemen.
4-klasta 10- oqıwshı bolıp, solardan 8 ulbala hámde 2ewi qız bala.
Házirgi waqıtta 4-klass oqıwshılarına sabaq ótiw barısında xabar-kommunikacion texnologiyaları, internet hám multimediya resurslarınan paydalanıw arqalı tálim-tárbiya sıpatı asırılıp kelmekte. Waqıttan utıw, qısqa waqıt ishinde sabaqqa degen qızıǵıwshılıqların asırıw hám kóbirek bilimlerge iye bolıwları ushın hár qıylı metodlardan, didaktik oyınlardan paydalanıw jaqsı nátiyje bermekte.

Dıqqatlarıńız ushın raxmet!

Kompyuter sawatxanlıq