Qaraqalpaq ádebiyatı” kafedrası páninen kurs jumíSÍ

Jumıstıń maqset hám wazıypaları. Kurs jumısımızdıń tiykarǵı maqseti –Ótesh shayırdıń – qaraqalpaq poeziyasında tutqan ornın, onıń shıǵarmalarındaǵı syujet hám kompoziciyalıq, janrlıq máselelerin qarastırıw, shıǵarmaların tereńnen úyreniw bolıp tabıladı. Usı maqsetten kelip shıǵıp jumısımızda tómendegi wazıypalardı orınlawdıń zárúrligi tuwıldı:

• 
  Shayır shıǵarmaların janrlıq jaqtan teoriyalıq analizlew hám onıń basqa túrlerden parqın ajıratıw;
  
• 
  Shayır shıǵarmaların mazmunlıq jaqtan analizlew;
  
• 
  Ótesh shayır shıǵarmalarına kórkemlik sholıw jasaw;
  
• 
  Shayır shıǵarmalarınıń ideyalıq baǵdarın ashıp beriw;
  
• 
  Shayır shıǵarmalarınıń syujeti hám kompoziciyasın analizlew;
  

Kurs jumısınıń ilimiy hám ámeliy áhmiyeti. Jumısımızda Ótesh shayırdıń dóretiwshiligi tuwralı birqansha maǵlıwmatlar keltirildi. Ádebiyattanıw ilimindegi shıǵarmanıń janrlıq ózgesheligin, kompoziciyası hám syujeti haqqında pikirlerge tiykarlanıp ilimiy juwmaq shıǵarıldı. Izertlewde toplanǵan teoriyalıq juwmaqlar hám keltirilgen mısallar qaraqalpaq ádebiyattanıw iliminde házirge shekem bar bolǵan ilimiy túsiniklerdi tolıqtırıw, referat hám óz betinshe jumısların jazıwda teoriyalıq derek bolıp, olarǵa ele de keńirek túsinik beriw múmkin.
Jumıstıń teoriyalıq hám metodologiyalıq negizi: Biz izertlew barısında teoriyalıq hám metodologiyalıq tiykar retinde T.Boboevtıń “Adabiyotshunoslikka kirish” (1979), N.Hotamovtıń “Adabiyotshunoslik nazariyasi” (2009), S.Axmetov, Q.Sultanovtıń “Ádebiyattanıw” (1987), Esemuratov G. “Ótesh haqqında oylar” (1966), Esenov.J “Sheberliktiń sırları”(1986), N.Japaqov “Ádebiyatımız haqqında oylar” (1974), Q.Járimbetovtıń “XIX ásir qaraqalpaq lirikasıniń janrlıq qásiyetleri hám rawajlanıw tariyxı” (2004) miynetlerinde tallap kórsetken ilimiy-teoriyalıq pikirlerinen paydalandıq.
Jumıstıń izertlew obyekti hám predmeti. Kurs jumısınıń izertlew obyekti sıpatında Ótesh shayır dóretiwshiligin aldıq, al izertlew predmeti sıpatında shayırdıń shıǵarmalarınıń janrlıq ózgesheliklerin alıp, ilimiy-teoriyalıq sholıw jasadıq.