Qadimgi Nasaf shahridan besh-o'n chaqirim shimolroq tomondagi Qo'ng'irtov

LiveBooks.uz kitoblar dunyosi
57

---

Saylanma. Abdulla Oripov 
Ogoh bo‘lsang agar olam siridan
Dunyolar ham qochar biri-biridan.
Shu taxlit yashaydi buyuk koinot,
Manzilin topolmas idroksiz hayot.
Yiroq yiroq tushsa insondan inson,
Bu holning sharhiga ne deysan, ey jon!
Ona farzandiga quchog‘in ochsa,
Farzand-chi, onadan ming farsah qochsa.
Qochsa bir-biridan o‘g‘il ham padar,
Yodini unutgan telbalar qadar.
Qovushmasa insof, ezgulik, sabot,
Men buning sababin bilmasman, hayhot.
Tafakkur basharga garchi yalovdir,
Nechuk odam qavmi odamga yovdir.
Javob berar bunga na yer, na osmon,
Na Budda, Na Zardo‘sht, na Injil, Qur’on.
Endi bandalarga o‘zing qil shafqat,
Ey oliy joziba - Sirli Muhabbat!
1989