Qadimgi Nasaf shahridan besh-o'n chaqirim shimolroq tomondagi Qo'ng'irtov

GO’ZALLIKNI YO’QLASH 
Yuzlaringda ajin, sochlaringda oq,
Yelkangdan yuk bo‘lib bosibdi yillar.
Quralay ko‘zlarda tubsiz bir charchoq,
Bekor gap, kim desa: yoshdir ko‘ngillar.
Bir vaqtlar nomingni eshitgan zahot
Yonardik o‘t ketgan kabi to‘qayga.
O, hissiz tabiat, shafqatsiz hayot,
Shunday go‘zallikni bekitding qayga?
1988
TASKIN 
Atir hidi bilan borma mozorga,
Bormagin u tomon kiyinib bashang.
Alam qilar yotgan har bir xoksorga,
Ularning xo‘rligi oshadi, bilsang. 
LiveBooks.uz kitoblar dunyosi
54

---

Saylanma. Abdulla Oripov 
Axir ko‘ngillari ularning yarim,
Axir, aslo o‘lmas hayot degan o‘y.
Degil:. Havas qilmang, birodarlarim
Bir kun yoningizga kelurman, deb qo‘y.
1988
BU YO’LLAR 
Bu yo‘llar xayoldek bilmas intiho,
Shoshilar o‘zining manzilotiga.
Bu yo‘llar eltadi na Makka, na yo
Birlashgan Millatlar Tashkilotiga.
Bu yo‘llar dunyoni tinmay aylanib,
Intilar sirli bir ko‘ngil qulfiga.
Axiyri tasmadek qolar boylanib
Seningdek go‘zalning qora zulfiga.
1988