Q yoʻldoshev, V. Qodirov, M. yoʻldosheva

a) tarbiyaviy maqsad – bolalarni ajdodlar xotirasiga hurmat, adolat va haqiqat mezonlari hamda milliy davlatchiligimiz an’analari asosida, halollik, jasorat, mustahkam iroda va sadoqat ruhida tarbiyalash;
b) ta’limiy maqsad – o‘quvchilarga “Xamsa” va xamsachilik an’analarini, mumtoz dostonni tushunish yo‘riqlarini anglatish, Navoiy “Xamsa”si dostonlaridan olingan parchalar mazmunini tanishtirish, ularni tahlil qilish, badiiy tasvir vositalari haqida bilim berish;
d) rivojlantirish maqsadi – mumtoz dostonni o‘qish va uqish, ko‘nikmalarini shakllantirish; kommunikativ shaxs sifatida o‘z-o‘zini rivojlantirish hamda ijtimoiy faol fuqarolik kompetentsiyalarini rivojlantirish.
Darslikda Navoiyning tarjimai holi quyi sinflardagiga nisbatan kengroq berilgan bo‘lsa-da, o‘qituvchi bu zotning xalqimiz tarixida, adabiyotimiz ravnaqida tutgan o‘rniga qisqacha to‘xtalib, hayoti va faoliyati xalq orasida afsona, rivoyatlarga yo‘g‘rilib ketganligini ta’kidlaydi hamda darsdan keyin kitobda berilgan u haqidagi biografik ma’lumotlarni mustaqil o‘qib, savol va topshiriqlarni bajarishni o‘quvchilarga havola qiladi. Yosh Alisherning o‘ziga taxallus tanlashi haqida el orasida shunday rivoyat yuradi. O‘qituvchi, lozim topsa, o‘shandan foydalanishi mumkin:
“Ilgarigi zamonda G‘iyosiddin Kichkina degan kishining Alisher degan o‘g‘li bo‘lgan ekan. U to‘qqiz yoshiga to‘lganda she’rlar yoza boshlabdi. Bir kuni yangi she’rini yozibdi-da, uni boqqa chiqib baland ovoz bilan o‘qiy boshlabdi. Shu payt terak shohida o‘tirgan bulbulni Alisherning goh qo‘ng‘iroqday jarangdor, goh tong shamoliday mayin ovozi maftun qilibdi. Qushcha darhol uning yelkasiga qo‘nib: - Ey, xushovoz shoir, sen o‘qigan she’rlar bulbullarning erta tongdagi navosidan ham yoqimli ekan. Nomingni bilsam bo‘ladimi?– debdi.
– Alisher,- javob beribdi bola.
- Bildim, bildim, yangi chiqqan shoir ekansan-da. Endi o‘zingga bir chiroyli taxallus tanlab, she’rlaring oxiriga o‘shani qo‘shib ketgin.