Q. X. Abdurahmonov, Sh. R. Xolmo’minov, N. Q. Zokirova, A. B. Irmatova personalni boshqarish darslik Toshkent – 2011

Personal (lotincha — “shaxs” so’zidan) — korxona, muassasa, tashkilot xodimlari tarkibi.
“Personalni boshqarish” fanining predmeti — korxonalarning samarali faoliyat ko’rsatishini ta’minlash va ishlovchilarning ehtiyojlarini qondirish maqsadida xodimlarga maqsadga muvofiq ta’sir ko’rsatish bilan bog’liq bilimlar tizimi.
“Personalning kasbiy tuzilishi” tushunchasi bir-biri bilan bog’liq bo’lgan quyidagi jihatlar, ya’ni ishchi kuchining kasbiy tuzilishi, uning malakaviy tuzilishi hamda malakaning mazmunidan iborat.
Personalni boshqarish sub’ekti — bu, boshqaruvchi xodimlar, ob’ekti esa, ishlab chiqarish xodimlaridir.
Personalni jalb etish — bu, ikki asosiy manba, ya’ni xodimlarni jalb qilishning ichki va tashqi manbalari hisobiga ehtiyojni qondirishdir.
Personalni boshqarishning zarur ob’ekti — bu, korxona va tashkilotning ijtimoiy muhitini rivojlantirishdir.
Rahbarlar (ma’muriy-boshqaruv xodimlari) — me’yoriy hujjatlarga muvofiq (nizomlar, ustavlar, ichki tartib qoidalari) ma’muriylashtirish funktsiyalari, korxona, tashkilot va muassasa nomidan harakatlanish, taqsimlash huquqlariga va vakolatlariga (ma’muriy funktsiyalar) ega bo’lgan, qaramog’idagi (bo’ysunishidagi) xodimlarga rahbarlik qiluvchi (ishlab chiqarishga oid bo’lgan topshiriqlarni taqsimlash, xodimlarni joy-joyiga qo’yish), korxona, tashkilot va muassasaning, shuningdek bo’linmalarning faoliyatini tashkil qiluvchi va muvofiqlashtiruvchi, farmoyishlarni, topshiriqlarni bajarilishi ustidan nazorat olib boruvchi korxona, tashkilot va muassasalar boshqaruv xodimlarining bir qismi.
Reja — xo’jalik sub’ekti, boshqaruv tizimi ayrim bo’g’inlari faoliyatiningdasturi. Ichki ishlab chiqarish, biznes, mintaqaviy, tarmoq, umumdavlat hamda joriy va istiqbol rejalari bo’ladi.
Rentabellik (nemischa — “daromadli”, “foydali” so’zidan) — korxona yoki tadbirkorlikning daromaddorligi, samaraligi.
Sindikat (lotincha — “ishonchli” so’zidan) — bir turdagi mahsulotlar ishlab chiqaradigan korxonalar birlashmasi.
Soliq — davlat tomonidan yuridik va jismoniy shaxslar daromadi yoki mol-mulkidan undiriladigan majburiy to’lov. Daromad, qo’shilgan qiymat soliqlari, aktsizlar, mahalliy soliq va yig’imlar bo’ladi.
Stress (inglizcha — “bosim”, “kuchlanish”, “tanglik” so’zlaridan) — kuchli ta’sir natijasida sodir bo’ladigan o’ta hayajon-lanish, asabiylikholati.