Q. X. Abdurahmonov, Sh. R. Xolmo’minov, N. Q. Zokirova, A. B. Irmatova personalni boshqarish darslik Toshkent – 2011

Unitar korxona — tijorat tashkiloti ko’rinishidagi, davlat yoki mahalliy boshqaruv idoralari korxonasi.
Firma (ital’yancha — “imzo” so’zidan) — korxona, kompaniya, xo’jalik va tijorat tashkilotlarining umumiy nomi.
Funktsional jihatdan xodimlarni boshqarish — kadrlar sohasidagi ishlar bilan bog’liq bo’lgan barcha vazifa va qarorlar (masalan, kadrlarni tanlash, malakasini oshirish, ulardan foydalanish va hokazolar) dan iborat.
Xalqaro Mehnat Tashkiloti — Birlashgan Millatlar Tashkilotining mehnatga oid masalalar bilan shug’ullanuvchi ixtisoslashgan muassasasi. Ushbu tashkilotga O’zbekiston Respublikasi 1992 yildan beri a’zo.
Xarizma (lotincha — “ilohiy qobiliyat” so’zidan) — biror shaxslarning boshqalarga nisbatan alohida xususiyatlarga va ana shu xususiyatlarga muvofiq boshqarishga haqli ekanligini ifodalovchi tushuncha.
Xolding (inglizcha — “egalik” so’zidan) kompaniya — asosiy faoliyati korxonalarning aktsiyalarini o’z tasarrufiga olish orqali ularning ishini nazorat qilish va boshqarishdan iborat bo’lgan kompaniya, bosh korxona.
Xodimlar — korxona, tashkilot, muassasaning yollash asosida ishlaydigan, va ishchilarning umumiy cheklangan soniga qo’shiladigan, barcha ishchilarning yig’indisi.
Xodimlarning cheklangan umumiy soni — korxona, tashkilot, muassasaning mehnatini tashkil qilish va texnolgik rivojlanishning mavjud darajasida oldinga qo’yilgan maqsad va vazifalarga erishish uchun zarur bo’lgan xodimlarning maksimal soni.
Xodimlar sonining nisbati — korxonalar, tashkilotlar va muassasalarning boshqaruvchanligini saqlab qolish sharti bilan, maqsad vazifalarga erishish, belgilangan funktsiyalarni bajarishda boshqaruv, xizmat ko’rsatuvchi va texnik xodimlarni sakdash uchun eng kam xarajatlarni ta’minlash maqsadida texnik va xizmat ko’rsatuvchi xodimlarning sonini boshqaruv xodimlari soniga bo’lgan nisbatining maqbul proportsiyalarini belgilovchi normativlardir.
Xizmat — kasb jihatidan ko’tarilish — tashkilot tomonidan turli darajalar (lavozimlar, ish o’rinlari, jamoadagi mavqe-martabalarni taklif qilish) izchilligidir. Xodim bu bosqichlarni layoqatiga qarab o’taydi.