Pulatov istam

 
 

---

21
II-BOB. Restoranda xizmat ko‘rsatish jarayonini tashkil 
etish 
2.1. Xizmat ko‘rsatuvchilarning xizmat ko‘rsatish qoidalari 
 
Mehmondo‘stlikning etik poydevorini mehmonlarni mansabiga, jinsiga va 
yoshiga qarab ovqatlanish stoli atrofida o‘tirg‘izish, stol atrofida o‘zini tutish, 
taomni bevosita iste’mol qilish, taom iste’mol qilish instrumentlaridan va 
salfetkalardan foydalanish hamda mehmonlarga xizmat ko‘rsatish qoidalari tashkil 
qiladi. 
O‘zbekiston Respublikasi va chet mamlakatlar halqlari tajribasida qabul 
qilingan qoidalarga ko‘ra mehmondo‘stlik asosan restoranlarda (ovqatlanish 
sohasining boshqa korxonalarida ham) va uy sharoitlarida tashkil qilinadi. 
O‘zbekistonda mehmondo‘stlik qilishda ham milliy an’analar bilan boyitilgan 
yevropacha etiket qoidalariga rioya qilinishi lozim. 
Umumiy ovqatlanish korxonasida madaniy xizmat qilish quyidagi 
ko‘rsatkichlar va bahoga ega: 
- xizmat qiluvchi xodimlarning mijozlar bilan o‘zaro munosabatlari, ularning 
xizmat qilish texnikasi; 
- xizmat qiluvchi xodimlarning tashqi ko‘rinishi va shaxsiy gigiyenasi, 
kiyim shakli, poyafzal belgilangan talabga javob berishi, har bir xodimning shaxsiy 
gigiyena qoidalariga rioya qilishi; 
- umumiy ovqatlanish binosining ichi, oshxona idish-tovoqlari, jihozlari, 
maxsus kiyimlar, sochiq va boshqalarning sanitariya holati; 
- restoran, kafe oshxonasining idish-tovoqlar, anjomlar, inventar, mebel 
bilan to‘la ta’minlanganligi; 
-taom, ichimliklar, ovqat mahsulotlari assortimentiga rioya qilish; 
-mijozlarga tez xizmat qilish; 
-muzika xizmatining sifati; 
-qo‘shimcha xizmatlarning mavjudligi. 

---

22
Xizmat qilish madaniyatining bahosi besh ballik shkala bilan belgilanadi. 
Nazorat qiluvchi organlar tekshiruv natijalari va mijozlar fikrlari hisobga olinadi. 
Bu haqda respublikaga xos tartib-qoidaga rioya qilinadi.