“Пул ва банклар” фани Маъруза (2 соат) Мавзу. Ўзбекистон Республикаси пул тизими ва унинг элементлари

1 2 3 4

Bog'liq
Ўзбекистон пул тизими

Маъруза режаси

1991 йилда Ўзбекистон сиёсий мустақилликка эришди, аммо иқтисодий мустақилликка эриша олмади. Чунки, миллий валютани муомалага кирита олмадик. Мустақил Ўзбекистон давлатининг Биринчи Президенти И.А. Каримов қатъий туриб, Ўзбекистон рубль ҳудудида қолади, деган фикрни айтдилар.

Ўзбекистонни рубль зонасида қолишининг сабаблари:
1. Валюта тақчиллиги мавжуд шароитда, фақат рубль ҳудудида қолибгина Россиядан қилинаётган импортни рублда тўлаш мумкин эди.
2. Республикамизда миллий валютани муомалага киритиш ва пул муомаласини тартибга солиш борасида ҳеч қандай тажриба мавжуд эмас эди. Собиқ Иттифоқ ҳудудида ушбу вазифани Иттифоқ Давлат банки (Госбанк СССР) амалга оширар эди. Иттифоқдош Республикаларнинг бу борада ҳеч қандай ваколати мавжуд эмас эди.
3. 1991 йилда республикамизда бозор иқтисодиёти талабларига жавоб бера оладиган икки поғонали банк тизими мавжуд эмас эди.

1994 йилнинг 1 июлидан бошлаб миллий валюта-сўмнинг муомалага киритилиши, 1994-1996 йилларда Ўзбекистон Республикаси Ҳукуматининг қарорлари билан ихтисослаштирилган банкларнинг ташкил этилиши ва кейинчалик уларни универсал тижорат банкларига айлантирилганлиги ҳамда банк тизимининг қонунчилик базасининг яратилиши икки поғонали банк тизимини шакллантиришда муҳим роль ўйнади.

1995 йил 21 декабрда “Ўзбекистон Республикасининг Марказий банки тўғрисида”ги, 1996 йил 25 апрелда “Банклар ва банк фаолияти тўғрисида”ги қонунларнинг қабул қилиниши пул тизимининг қонунчилик базасини шакллантириш йўлидаги жиддий қадам бўлди.

Do'stlaringiz bilan baham:

1 2 3 4