Пул маблағлари ва ҳисоб-китоблар ҳисоби

Бунда тўловдан кейин:

а) биринчи нусха банкнинг кун ҳужжатларига тикилади;

б) иккинчи нусха тўловчига шахсий ҳисобварақдан кўчирма билан топширилади.

Акцептни бошқа усуллар билан расмийлаштиришга (дебиторлик-кредиторлик қарзларини солиштириш далолатномасининг, бажарилган ишлар (хизматлар) тўғрисидаги далолатноманинг тўлов топшириқномасига илова ва ҳоказо) йўл қўйилмайди.

Акцептсиз тўланадиган талабнома қуйидагича тақдим қилинади:

Акцептсиз тўланадиган талабнома қуйидагича тақдим қилинади:

1) тўловчи ва маблағларни олувчига битта банкда хизмат кўрсатилса, уч нусхада.

2) тўловчи ва маблағларни олувчига турли хил банкларда хизмат кўрсатилса, икки нусхада.

Талабноманинг барча нусхалари почта орқали тўловчининг банкига юборилади, унда тўлов тўлангандан сўнг:

а) биринчи нусхаси банкнинг кунлик ҳужжатлари йиғмасига тикиб қўйилади;

б) иккинчи нусхаси шахсий счётдан кўчирма билан бирга тўловчига берилади.

иссиқлик энергияси учун ҳисоб-китоблар қилинган холларда талабноманинг икки нусхаси ва берилган иссиқлик энергияси учун счёт-фактура истеъмолчига хизмат кўрсатувчи банкка бевосита етказиб берувчи томонидан қўйилади, унда тўлов тўлангандан сўнг:

а) биринчи нусхаси банкнинг кунлик хужжатлар йиғмасига тикиб қўйилади;

б) иккинчи нусхаси шахсий счётдан ва счёт-фактурадан кўчирма билан тўловчига (истеъмолчига) берилади.

ИНКАССО ТОПШИРИҚНОМАЛАРИ БИЛАН ҲИСОБ-КИТОБЛАР

Инкассо топшириқномаси маблағ олувчининг банкка тўловчининг счётидан сўзсиз тартибда маблағларни ҳисобдан чиқариш тўғрисидаги топшириғини англатади.

Қуйидагилар инкассо топшириқномаларини қўя оладилар:

а) солиқ органлари - давлат бюджетига солиқлар ва бошқа мажбурий тўловлар, Ўзбекистон Республикасининг бюджетдан ташқари Пенсия жамғармаси, бюджетдан ташқари Мактаб таълими жамғармасига ва Ўзбекистон Республикаси Молия вазирлиги ҳузуридаги Республика йўл жамғармасига мажбурий тўловлар бўйича тўловлар ҳамда боқимандаларни ундириш тўғрисида, шунингдек юридик шахслар томонидан истеъмол қилинган электр энергияси учун муддати ўтказиб юборилган қарзни ундириш пайтида;