Пул маблағлари ва ҳисоб-китоблар ҳисоби

Пул маблағлари ва валюта операциялари ҳисобини ташкил этиш ҳамда юритишнинг асосий вазифаларига қуйидагиларни киритишимиз мумкин:

Пул маблағлари ва валюта операциялари ҳисобини ташкил этиш ҳамда юритишнинг асосий вазифаларига қуйидагиларни киритишимиз мумкин:

• нақдсиз ўтказишлар ҳамда нақд пуллар билан зарур ҳисоб-китобларни ўз вақтида ва тўғри амалга ошириш;
• ҳисоб регистрларида пул маблағлари мавжуддиги ва ҳаракатини ҳамда ҳисоб-китоб операцияларини тўлиқ ва тезкор акс эттириш;
• пул маблағларидан лимитлар, сметаларга мувофиқ мақсадли фойдаланипшинг амалдаги қоидаларига риоя қилиш;
• пул маблағлари ва ҳисоб-китоблар ҳолатини инвентарлашни ташкил этиш ва белгиланган муддатларда ўтказиш;
• кассада, банклардаги ҳисоб-китоб ва бошқа счётларда мавжудлиги ва бутлиги устидан назорат қилиш;
• ҳисоб-китоб-тўлов интизомига риоя қилиниши, моддий бойликлар ва хизматлар учун суммалар, шунингдек кредитлаш тартибида олинган маблағларнинг ўз вақтида ўтказилишини назорат қилиш.

2. Банкларда ҳисобварақларни очиш тартиби

Ўзбекистон Республикаси Марказий банки Бошқарувининг 2009 йил 16 мартдаги 7/2-сонли қарори билан тасдиқланган “Ўзбекистон Республикаси банкларида очиладиган банк ҳисобварақлари тўғрисида”ги Йўриқномага асосан банкларда счет очилади.

Банк ҳисобварағи - банк ҳисобварағи шартномасини тузиш орқали банк мижоз (ҳисобварақ эгаси) ҳисобварағига келиб тушган пул маблағларини қабул қилиш ва киритиб қўйиш, мижознинг ҳисобварағидаги тегишли маблағларни ўтказиш ва бериш ҳамда ҳисобварақ бўйича бошқа операцияларни амалга ошириш тўғрисидаги топшириқларни бажариш вазифасини ўз зиммасига олиши натижасида банк ва мижоз ўртасида вужудга келадиган муносабатларни амалга ошириш воситаси.

Жамғарма депозит ҳисобварағи - бу мижозларнинг даврий бадаллари асосида шаклланиб, муайян мақсадни амалга ошириш учун жамғариладиган ва шу мақсад учун йўналтириладиган ёхуд шартнома бекор қилиниши натижасида қайтариладиган маблағлар ҳисоби юритиладиган ҳисобварақ;