Пул маблағлари ва ҳисоб-китоблар ҳисоби

Чиқим касса ордерларига илова қилинадиган ҳужжатлар, аризалар, ҳисобварақлар ва ҳоказоларда ташкилот раҳбарининг ижозат берувчи ёзуви бўлган тақдирда, чиқим касса ордерларида раҳбарнинг имзоси бўлиши шарт эмас.

Кирим ва чиқим касса ордерлари ёки уларнинг ўрнини босувчи ҳужжатларни пул топширадиган ёки оладиган шахслар қўлига бериш ман этилади.

Кассир ҳисоботи касса китоби варағи нусхаси, касса кирим ва чиқим ордерларидан иборат бўлади.

Молия вазирининг 2004 йил 23 мартдаги 51-сон буйруғи билан тасдиқланган “Чет эл валютасида ифодаланган активлар ва мажбуриятларнинг ҳисоби” (22-СОН БҲМС)

Молия вазирининг 2004 йил 23 мартдаги 51-сон буйруғи билан тасдиқланган “Чет эл валютасида ифодаланган активлар ва мажбуриятларнинг ҳисоби” (22-СОН БҲМС)

ЎзР АВ томонидан 17.09.2004 й.1411-сон билан рўйхатга олинган “Чет эл валютасидаги операцияларнинг бухгалтерия ҳисоби, статистика ва бошқа ҳисоботларда акс эттириш тартиби тўғрисида”ги НИЗОМ (янги таҳрирда).

Чет эл валютасидаги операциялар бўлиб, хўжалик юритувчи субъект:

а) мол-мулкни (асосий воситалар, номоддий активлар, товар-моддий захиралар ва бошқа активларни) чет эл валютасида харид қиладиган ёки сотадиган;

б) тўланадиган ёки олинадиган суммалари чет эл валютасида белгиланадиган кредит ёки қарз оладиган ёхуд тақдим этадиган;

в) зиммасига чет эл валютасида мажбурият оладиган ёки уни сўндирадиган ҳолларда чет эл валютасида содир этиладиган битимлар ҳисобланади.

Қуйидагилар қайта баҳоланмайди:

а) хўжалик юритувчи субъектнинг чет эл валютасига харид қилинган асосий воситалари, номоддий активлари, ўрнатиладиган ускуналари, капитал қўйилмалари, товар-моддий захиралари;

б) хўжалик юритувчи субъект, шу жумладан хорижий инвестициялар иштирокидаги корхона устав сармоясининг миқдорлари ва муассислари (иштирокчилари) улушларининг нисбати.

Ҳосил бўлган курс фарқи хўжалик юритувчи субъектларнинг хоҳиш-истагига кўра бевосита киритиш йўли билан) ёки жамғариш йўли билан молиявий натижаларга ҳисобдан чиқарилади.