Psixologik trening

“Elektr simli to’siq”

Maqsad: jamoaviylikni hamda jamoaviy qaror qabul qilish ko’nikmasini shakllantirish, o’zaro ishonchni uyg’otish.
Kerakli resurslar: arqon bog’lash mumkin bo’lgan orasi 2-4 metr bo’lgan 2 ta yog’och ustun (yoki daraxt bo’lgani maqsadga muvofiq) va 15-20 metrli arqon.
Jarayon: trener avvalroq ikkita ustunga arqonni shundav bog’lab qo’yishi kerakki, unda (uning orasidan yoki ustidan) ishtirokchilar birovning yordamisiz o’ta olmasligi kerak. Bunda arqon yetarlicha (sakrab o’tib ketish mumkin bo’lmagan darajada) baland va chigal tarzda bog’lanadi. So’ngra ishtirokchilarga shunday shart qo’yiladi. Ular bir birlariga yordam berib arqonga tegib ketmay to’siqning narigi tomoniga o’tib olishlari kerak. O’tish jarayonida ishtirokchilar bir birlariga yaqin va tegib aloqa zanjirini saqlab ham turishlari lozim. Shuningdek, ishtirokchilarga bu arqon emas 2000 volt elktr toki o’tib turgan sim deb ustanovka berilishi lozim. Agar ishtirokchilardan kimdir alohida bo’lib boshqalarga tegmay aloqa zanjirini uzib tursa yoki o’tish jarayonida kimdir arqonga tegib ketsa o’yin boshidan boshlanishi lozim. Lekin, ishtirokchilarning yoshi, kuchi, malakasini hisobga olib “elektr sim”ga yengil tegib ketish holatlarini 2-3marta e’tiborga olmasa ham bo’ladi. Ishtirokchilarga bu ishni uddasidan chiqishlari uchun (ularning sonini inobatda olib) 10 dan 25 daqiqagacha vaqt berilishi ham kerak. Bu ishtirokchilarning mas’uliyat asosida tezroq harakat qilishlarini ham ta’minlaydi.

“Manzil aniq, lekin qanday boramiz”

Maqsad: jamoaviylikni shakllantirish va rivojlantirish, ozaro tushunish orqali maqsad sari intilish ko’nikmasiini mashqlantirish.
Kerakli resurslar: 15-20metr arqon.
Jarayon: ishtirokchilardan doira shaklini hosil qilib, iloji boricha bir birlariga yaqin turib olishlari va barcha ishtirokchilar ikki qo’llari bilan quloqlarini ushlab turishlari so’raladi. Shundan so’ng trener ularni arqon bilan aylantirib, iloji boricha bir biriga jips holatda (jismonan ziyon yetkazmaydigan darajada) siqib bog’laydi. Bog’lab bo’lgach, trening bo’layotgan joy kengligiga qarab ulardan 10-20 metr nariga borib turadi. Endi ishtirokchilar trenerning yonigacha shu holatda birgalikda kelishlarini lozim. Ishtirokchilardan birgalikda
yurib kelayotganlarida, ratsional va ijodkorona yondoshishlarini so’rash ham mumkin.