Psixologik trening

Stress va agressiv holatlarni yengillashtirishga mo’ljallangan psixokorreksion (meditativ) mashqlar to’plami

“Mobilizatsiya” (safarbarlik) mashqi
Maqsad: kuch va energiyani tiklash, boshlangan ishni davom ettirishga kirishish uchun umumiy tayyorgarlik.
Bajarish vaqti: 5 daqiqa.
Bajarish tartibi: Chuqur nafas olib, chiqaring. Ushbu harakatni 5 marotaba takrorlang. Xayolan quyidagi iborali formulani takrorlang:

• 
  Men yaxshi dam oldim ....
  
• 
  Mening kuchlarim yana tiklandi ....
  
• 
  Butun tanamda energiya manbaini his etyapman ....
  
• 
  Fikrlarim aniq va tushunarli ....
  
• 
  Mushaklarim hayotiy kuch bilan to’lmoqda ....
  
• 
  Ishlashga tayyorman, huzurbaxsh dush qabul qilgandekman ....
  
• 
  Tanamda yoqimli titroq va shabada his qilyapman ....
  
• 
  CHuqur nafas olyapman … keskin nafas chiqaryapman ... salqinlik ....
  
• 
  Boshimni ko’taryapman (yoki turyapman) ... ko’zlarimni ochyapman ....
  

Meditativ nafas konsentratsiyasi (Nafas texnikasi)

Maqsad: to’laqonli bo’shashish, nafas jarayonini bir maromga keltirish, ichki barqarorlik, emotsional reaktsiyaga erishish muvaffaqiyati.
Bajarish vaqti: 3–5 daqiqa.
Bajarish tartibi: qulay joylashib oling. Tanangizni bo’shashtiring. Diqqatingizni nafas olishga qarating. Nafas olishning tabiiy usulini o’zgartirmang, biroq uni nazorat qiling.
O’zingizga: «Men nafas olayotganimni his qilyapman nafas
chiqarishimni his qilyapman», deb ayting. Mashq bir necha marotaba bajarilgandan so’ng, parishonlik holati yo’qolib, diqqatning bir joyga jamlanishi mukammallashib boradi.
Izoh: oddiy ekanligiga qaramay, ushbu mashq juda samaralidir. Faqat uni to’g’ri qo’llay bilish zarur.