Psixologik trening asoslari

 
 
«Vahimadan qutulish usuli» (Kuzatuv texnikasi) 
 

Maqsad:
vahimadan qutulish, xavotirlilik, kutilayotgan stressli 
vaziyatga tayyorgarlik.
Bajarish vaqti:
5–10 daqiqa.
Bajarish tartibi:
 
bo’shashing, oydin kun, maysalar bilan bezangan ajoyib 
bir o’tloqda o’tiribman, deb tasavvur qiling … Osmonga kamalak o’zining 
baxmaldek nurlarini taratib turibdi.
Bu tarovatning bir qismi sizga tegishli … u quyoshdan-da yorqinroq … 
Uning nurlari boshingiz va tanangizni mayin va yoqimli silab o’tyapti, butun 
tanangizga singib borgani sari o’zingizdan xavotirlikli, tashvishli, salbiy 
hissiyotlarga to’la xayollar, qo’rquvlarning ortga chekinib borayotganini his 
qilasiz
Tanangizdagi nosog’lom qismlar mayin shamolga singib ketadigan qora 
tutunga aylanib, sizni tark etishini his etasiz. Siz xavotirlikdan xolisiz, siz 
suvdek beg’uborsiz, kayfiyatingiz ham ko’tarinki!!!
«Billur sayohat» (Kuzatuv texnikasi) 
 

---

234 
Maqsad:
emotsional hordiq, o’z muammolarini anglash va ularni 
yengish choralarini topish, ijobiy emotsiyalarga erishish.
Bajarish vaqti:
individual.
Bajarish tartibi:
 
qulay o’tirib oling, bo’shashing, ko’zlaringizni yuming. 
Tasavvur qiling: siz olmazorga kirib bordingiz, xiyobon bo’ylab sekin-asta 
qadam qo’ydingiz, dimog’ingizga oq, pushti gullarning yoqimli hidlari urildi va 
siz undan bahramand bo’lasiz. Tor yo’lakdan yurib borar ekansiz, qandaydir 
eshikka duch kelasiz, uni ochganingizda esa yoqimli tarovat taratib turgan 
maysazordan chiqib qolasiz.
Maysalar mayin shabbodada ohista tebranib turibdi, hasharotlarning tabiat 
bilan uyg’unlashib ketgan ovozlari, mayin shabada esa sochingiz, yuzingizni 
silab o’tmoqda … qarshingizda keng, yastangan ko’l … suv ko’m-ko’k, tiniq, 
guyo kumushrang tus olgandek.
Siz sohil bo’ylab orol tomonga yura boshladingiz va sharsharaga 
yaqinlashdingiz … uning o’rtasiga kirib borar ekansiz, boshingizdan to 
oyoqlaringiz uchigacha beg’uborlik suvida tozalanayotganingizni his qilasiz. 
Obihayot sizni kuch va energiya bilan to’yintirmoqda.
Sharshara ortida g’or bor. U joy sokin bo’lib, unda tanho qolish 
imkoniyatingiz bor. Ana endi ortga qaytish vaqti yetdi. Endi xayolan o’z 
yo’nalishingizdan ortingizga qayting va olmazordan chiqing. Shundan so’ng, 
ko’zlaringizni oching.