Psixologik masalalar

1-mashq: “Tashabbuskorlik”:
Biznesmen mayonez ishlab chiqarish korxonasini ochdi. Endi u kelajakda qanday ish yuritishi lozim?
a) o’zi mustaqil holda, tashkilotning kundalik faoliyat jarayonini tashkillashtirishi va nazorat qilishi kerak;
b) tashkilotning muvaffiqiyatli rivojlanishi uchun mas’ul general direktor lavozimini ta’sis etishi zarur;
v) biznesdagi mavqyeini faqat foyda olish bilan chegaralashi lozim;
g) oilasi bilan maslahatlashishi darkor.


2-mashq: “Strategik fikrlash”:
Muvaffaqiyat bilan ishlaydigan Turistik kompaniyaning doimiy mijozi, mijozlarni jalb qiluvchi ancha qimmat turadigan reklama peshtoqini taklif qildi. Tadbirkor qanday yo’l tutishi lozim?
a) har qanday xarajatlarga qaramay reklama peshtoqiga buyurtma berishi kerak;
b) mijozlari shunday ham yetarli bir vaqtda qo’shimcha reklamaga pul yo’qotish shart emas;
v) agentlikdagi hamkasblari bilan maslahatlashishi zarur;
g) mijozning taklifiga e’tibor bermasdan, uning o’rniga sinovdan o’tgan ishonchli reklamaga pul tikishi shart;


3-mashq: “Ishchanlik qobiliyati”:
Sug’urta agentining ishongan va juda ham kerakli bo’lgan mijozini raqobatdoshlari “ilib” ketishdi. Bu holat uning juda ham jahlini chiqardi va hattoki, ruhini ham tushirib yubordi. Sug’urta agenti sizga o’xshaydimi?
a) juda ham o’xshaydi;
b) juda bo’lmasa-da har holda o’xshaydi;
v) unchalik o’xshamaydi;
g) umuman o’xshamaydi.


DIQQAT VA KUZATUVCHANLIKNI RIVOJLANTIRISH MASHQLARI

Diqqat va kuzatuvchanlikni rivojlantirishning o’n ikkita oddiy va samarali usullari. Bu mashqlarni ish o’rtasida, tanaffus yoki dam olish vaqtlarida bajaring. Bu diqqatingizni barqarorligi va hajmini o’stirishga xizmat qiladi.

Diqqat insonni biron bir narsa yoki hodisaga faoliyatini jamlashi hisoblanadi. Ko’pgina insonlarning diqqat ko’lami 7±2 birlikka tеng dеyiladi.