Психотроп моддалар. Нейролептиклар. Депрессияга қарши моддалар

Бошқа нейролептикларни кўтара олмаганда, қон томирларнинг ўзгариши, атеросклероз, гипертония касалликлари туфайли келиб чиққан сурункали руҳий ўзгаришларда резерпинни қўллаш самарали бўлади. Резерпин ва унинг асосида олинган моддалар қон босими ошганда гипертония касаллигида қўлланади. Резерпин давомли қўлланилганда симпатик нерв системаси тонусини камайтириб, парасимпатик системаси тонусини ошириб юборади — қорачиқ тораяди, брадикардия, ичак перистальтикаси, ошқозон ширасининг ажралиши кўпаяди, қон босими пасаяди

НЕЙРОЛЕПТИКЛАР ҚЎЛЛАНИЛАДИ

• ШИЗОФРЕНИЯ КАСАЛЛИГИНИ ДАВОЛАШДА
• ПСИХОЗЛАР (АЛЬКОГОЛ, ИНФЕКЦИОН)
• КУЧЛИ ҚАЙД ҚИЛИШДА, ХИҚЧОҚ ТУТГАНДА
• ГИПЕРТОНИК КРИЗДА
• НЕЙРОЛЕПТОАНАЛЬГЕЗИЯДА
• ОПЕРАЦИЯДАН ОЛДИН ПРЕМЕДИКАЦИЯ УЧУН

НЕЙРОЛЕПТИКЛАРНИНГ НОЖЎЯ ТАЪСИРЛАРИ

• ЭКСТРАПИРАМИД ТИЗИМНИНГ БУЗИЛИШИ –ПАРКИНСОНИЗМ КАСАЛЛИГИ
• ЖИГАР ФАОЛИЯТИНИНГ БУЗИЛИШИ
• ҚОН ТИЗМИНИНГ БУЗИЛИШИ
• ОҒИЗ ҚУРИШИ, ҚАБЗИЯТ
• БЎШАШИШ, АПАТИЯ, ТОРМОЗЛАНИШ
• КАТОЛЕПТОГЕН ҲОЛАТ
• ГИПОТЕНЗИЯ, ОРТОСТАТИК КОЛЛАПС
• ГИНЕКОМАСТИЯ, АМЕНОРЕЯ
• КЎРИШ ЎТКИРЛИГИНИ ПАСАЙИШИ
• ТАХИКАРДИЯ
• АЛЛЕРГИК ЖАРАЁНЛАР
• ЎРГАНИБ ҚОЛИШ

ДЕПРЕССИЯГА ҚАРШИ МОДДАЛАР
 Имизин, амитриптилин, ниаламид, трансамин
Антидепрессантлар шизофрения, маниакал-депрессив психози, реактив психозларда учрайдиган депрессия синдромини, яъни қайғу-алам, тушкунлик, ғам-ғусса, сиқилиш, психомотор эзилишда, ассоциатив жараёнлар тормозланишини йўқотиш учун қўлланилади.
Моддалар таъсир механизми бўйича икки гуруҳга бўлинади:
1. Моноаминлар таъсирини оширувчи (потенцирловчи) моддалар.
2. Моноаминоксидаза ферментининг ингибиторлари.
Моноаминлар таъсирини оширувчи моддалар - имизин билан амитриптилин - уч циклли антидепрессантлар, тимолептиклар деб аталади (юнонча timos—руҳ, кўнгил, leptos—майин, нозик, нафис).
Бу моддалар қайғу, ғам—ғусса, депрессия ҳолатларини йўқотади ва шу билан бирга тинчлантирувчи—седатив хусусиятга эга. Моддалар марказий М-холинолитик, α—адренолитик, гистаминга қарши, миотроп таъсир кўрсатади.