Promt 98 программасының жумысшы айналары

Sózlerdi bánt qılıw
Ofistaǵı jumıslardı avtomatlastırıw kóp ǵana hújjetler tek «bir bólimi» awdarması talap etiledi: atama sózler hám túsinikler tiykarǵı tilinde qalıwı kerek. Máselen, kompyuterge baylanıslı ádebiyatlarda programma, operacion sistemalar hám islep shıǵarıwshı kompaniyalar atların awdarma qılıw yáki olardı ózgertiw shárt emes.
Avtomat awdarma sisteması málim sóz yáki sóz birikpesin awdarma islemewi ushın usı sózdi bánt qılıwı kerek. Bánt etilgen sózler axborot panelindegi «Bántlengen» sózler qosımsha rettegi tizimde sanap ótiledi. Hújjet teksti bánt etilgen sóz ushırawı menen ol basqa reńde ayrılıp shıǵadı.
Bánt etilgen sózler dizimine qandayda bir sózdi qosıw ushın servis Зарегистировать (servis/bánt etiw) buyrıǵın beriw yáki awdarma ásbaplar panelindegi Зарегистировать слова (sózdi bánt etiw) buyrıǵın tańlaw kerek.
Hújjetti programma ishki formasında saqlaw waqtında bánt etilgen sózler dizimi fayl menen birgelikte saqlanadı. Promt 98 programmasında sonday-aq bánt etilgen sózler dizimin múyeshli awdarma qılıp atırǵan hújjetke jalǵaw ushın birgelikte ǵárezsiz túrde saqlaw, sonday-aq usınday dizimdi basqa hújjetten alıw imkanı kózde tutılǵan.
Bánt etilgen sózlerdiń jalǵız sózliginen paydalanıw imkaniyatı bir temaǵa baylanıslı bir topar hújjetler menen yáki bir úlken hújjettiń kóplegen bólimleri menen ulıwma ádewir qolay bolıp tabıladı.
Sózliklerdi toltırıw hám sazlaw
Promt 98 programması quramına kiritilgen sózlikler ádewir bay ekenligine qaramastan, hújjetlerde ushıraytuǵın barlıq sózler kiritilgenligin anıq bilip bolmaydı. Biytanıs sózlerdi programma qızıl reńde ajıratıp kórsetedi.
Biraq, barlıq biytanıs sózler de sózlikke kire bermeydi. Olardıń arasında bánt qılınıwı kerek bolǵan sózler de ushıraydı. Sonday-aq, bul sózlerdiń tuwrı jazılǵanlıǵın tekserip kóriw kerek. Eger sózlik haqıyqattan da tolıq bolmasa, onda sózdi paydalanıw sózligine qosıw múmkin.
Sózlikti joqarı dárejede toltırıw júdá áhmiyetli hám juwapkershilikli is sózliktiń hádden tıs tıǵızlıǵı awdarma sıpatın páseyttiriw múmkin. Sonday-aq sóz túrlishe kórinislerge iye bolıwı múmkinligi de názerde tutılıwı kerek.
Promt programması sózdi sózlikke kiritiwde eki nárseni: baslanǵısh hám qániyge rejimde kózde tutadı. Birinshi rejimde sózdiń jetispeytuǵın barlıq grammatikalıq formaları avtomat tárizde qosıladı, biraq olar hárdayım tuwrı bola bermeydi. Ekinshi rejimde paydalanıwshınıń ózi hámme grammatikalıq formalardı beredi. Lekin bul eki til grammatikasın jaqsı biliwi talap etiledi.
Qániyge rejiminde sózlerdi kiritiw tómendegi tártipte júz beredi.

1.