Профессионал таълим

VI. ТАЛАБАЛАРНИНГ МУСТАҚИЛ ИШЛАРИНИ БАҲОЛАШНИНГ УМУМИЙ
МЕЗОНЛАРИ

1. 
   Талабалар мустақил таълимини баҳолаш мезонлари тегишли кафедралар томонидан фан (модул)лар хусусиятини инобатга олган ҳолда ишлаб чиқилади ва факултет илмий кенгашида тасдиқланади.
   
2. 
   Ҳар бир фан (модул) бўйича мустақил иш топшириқларини баҳолаш мезонлари талабаларга семестрнинг бошида тақдим қилинади.
   
3. 
   Талабаларнинг фан (модул) бўйича мустақил иш топшириқларини баҳолаш берилган муддат (деадлине)га мувофиқ амалга оширилади.
   
4. 
   Мустақил ишга қўйиладиган балл умумий баллнинг 20 (йигирма) фоизидан кам бўлмаслиги лозим.
   
5. 
   Талаба(лар) нинг фан(модул) бўйича мустақил таълим натижалари электрон платформа ва гуруҳ журналига бутун сонлар билан қайд қилинади.
   
6. 
   Фанлар кесимида талабаларнинг мустақил ишлари бўйича ўзлаштириш мунтазам равишда талабалар гуруҳларида, кафедра йиғилишларида ҳамда ҳар ўқув йилида камида икки марта факултет Илмий Кенгашида муҳокама этиб борилади.
   

VII. ЯКУНИЙ ҚИСМ

1. 
   Мазкур йўриқнома факультет Кенгашида тасдиқланиб, имзоланганидан сўнг амалиётга жорий этилади.
   
2. 
   Йўриқномага жорий тузатиш ва ўзгартиришлар киритиб бориш мумкин.