Профессионал таълим муассасалари моддий-техник базасидан фойдаланиш, уни ривожлантириш, сақлаш ва инвентаризация жараёнлари

6. Ўқув-лаборатория хоналари, ўқув устахоналарида ташкил этиладиган машғулотлар “Таълим муассасаларини ўқув ва ўқув-ишлаб чиқариш устахоналари учун меҳнатни муҳофаза қилиш қоидалари” (Ўзбекистон Республикаси Адлия вазирлиги томонидан 2013 йил 1 майда 2454 сон билан рўйхатдан ўтказилган) ҳамда “Таълим муассасаларининг ўқув хоналарида машғулотлар ўтказишда меҳнатни муҳофаза қилиш қоидалари” ЎзР Меҳнат ва аҳолини ижтимоий муҳофаза қилиш вазирлигининг 2013 йил 1 мартдаги 14-Б-сонли буйруғи билан тасдиқланиб, Адлия вазирлигида 2013 йил 1 апрелда 2446-сон билан рўйхатидан ўтган) талаблари асосида ташкил этилади.

7. Машғулотлар тугагандан сўнг, иш жойларидаги жиҳоз ва асбоб-ускуналарнинг ҳолати (электр тармоғидан узилганлиги, реактив ва бошқа кимёвий моддаларнинг хонада қолмаганлиги, газ тармоғининг беркитилганлиги ва ҳ.к.) кўрикдан ўтказилади, тозаланади ва улар доимий сақлаш жойига қўйилади.

7. Машғулотлар тугагандан сўнг, иш жойларидаги жиҳоз ва асбоб-ускуналарнинг ҳолати (электр тармоғидан узилганлиги, реактив ва бошқа кимёвий моддаларнинг хонада қолмаганлиги, газ тармоғининг беркитилганлиги ва ҳ.к.) кўрикдан ўтказилади, тозаланади ва улар доимий сақлаш жойига қўйилади.

8. Айрим кимёвий реактивлар, жумладан, ёнувчи моддалар (натрий, кальций, кальций карбид, рух, алюминий, олтингугурт, темир, темир сульфид чанг формаларда) ва учувчи ёнувчи суюқликлар (диэтил эфир, ацетон, бензин, спирт, бензол ва бошқалар)дан фойдаланган ҳолда амалга ошириладиган тажрибалар мўрили шкаф билан жиҳозланган хоналарда ўтказилиши шарт.

9. Юқори концентрацияли кислота ва ишқор (аммиак 25%) эритмаларидан фойдаланганда, уларни куйдириш ва ўйиш хусусиятларини, нитратлардан фойдаланганда эса бошқа кимёвий моддалар билан аралашиши натижасида ёнувчи ва портловчи моддалар ҳосил бўлишини ҳисобга олиш керак.

10. Ўзбекистон Республикасининг ўлчашлар бирхилигини таъминлаш давлат тизими Ўлчаш воситаларини қиёслаш (асосий қоидалар) тўғрисидаги Давлат стандарти (O’z DSt 8.003:2005)нинг 4.6-бандига асосан “Ўқитиш (намойиш) мақсадида қўлланиладиган ўлчаш воситалари”нинг яққол кўринадиган жойига “Ў” белгиси ёзиб қўйилади. Шунингдек, Давлат стандартининг 4.4-бандига асосан давлат метрологик текшируви ва назорати доирасида қўллаш учун мўлжалланган ўлчов воситалари қиёслашдан ўтказилади.