Проект соревнования

МУСОБАҚАНИ ТАШКИЛ ҚИЛИШ ВА ЎТКАЗИШ УСУЛЛАРИ

Спорт мусобақаси – бу спортчининг жисмоний тайёргарлиги орқали онгнинг айрим жихатларини ривожлантириш афзалликларини аниқлаш учун тартибга солинган қоидалар асосида рақобатлашиш усулидир.

Мусобақада муваффақиятга эришиш асосан ўз вақтида ва аниқ мақсадли қилинган тайёргарликка боғлиқдир.

Бизнинг бутун ҳаётимиз доимий мусобақадир. Машҳурлик учун, мухаббат учун, баҳолар учун, муваффақият учун. Ғалаба қозониш учун сиз фақат бу мусобақа қоидаларини яхши билишингиз керак бўлади.
Лиз Коли, «Жозибадор 13» китобидан

МУСОБАҚАЛАР ТАСНИФИ:

Мақсадига қараб:

• 1. Асосий мусобақалар – маълум бир даврларда бўлиб ўтадиган мусобақалар (Олимпия ўйинлари, жахон чемпионатлари, Осиё чемпионати, Осиё ўйинлари, мамлакат чемпионати ва кубоқлари).
• 2. Етакчи мусобақалар - асосий мусобақаларга тайёргарлик сифатида ўтказиладиган мусобақалар.
• 3. Саралаш мусобақалари – танловнинг якуний босқич иштирокчиларини танлаш ёки терма жамоаларни шакллантириш учун ўтказилади
• 4. Назорат мусобақалари – спортчиларни тайёргарлигини аниқлаш ва ўқув-машғулот дастурига тузатишлар киритиш учун хизмат қилади.
• 5. Тижорат мусобақалари – асосий мақсад пул мукофоти ёки совринни қўлга киритиш
• 6. Оммавий мусобақалар – кенг доирадаги кишилар эътиборини жалб қилиш, тарғибот-ташвиқот ва тарбиявий ахамиятга эга мусобақалар.

Мусобақанинг таркибига кўра:

Мусобақанинг таркибига кўра:

• Айрим спорт турларида фақат бажарилган ишнинг натижаси инобатга олиниб бахоланади. (масофани босиб ўтиш, кўтарилган оғирлик, сакрашни баландлиги, урилган тўплар сони ва х.к). Бунда қоидалар билан белгиланган харакатларни бажарган холда натижа кўрсатилган тақдирда хам спортчининг техникаси бахоланмайди.
• Бошқа мусобақаларда харакатнинг бажарилиш жараёни инобатга олинади. (гимнастика, синхрон сузиш, фигурали учиш) хакамлар хайъатининг субъектив бахо бериши спортчининг ғалабасига таъсир кўрсатади.
• Мусобақалар бир спорт тури бўйича (бокс, эшкак эшиш, футбол) бўлиши мумкин ва бир неча спорт турларини қамраб олган холда кўпкураш (масалан: бешкураш – югуриш, сузиш, велоспорт, қиличбозлик ва ўқ отиш) усулида бўлиши мумкин. Бундан ташқари комплекс мусобақалар бўлиши мумкин масалан: спартакиада, универсиада, Олимпия ўйинлари ва бошқалар.