«применение современных информационно коммуникационных технологий в проведении реформ в новом узбекистане»

«Yangi O‘zbekistonda islohotlarni amalga oshirishda zamonaviy axborot-kommunikatsiya 
texnologiyalaridan foydalanish» mavzusida Xalqaro ilmiy-amaliy konferentsiya 
Andijon 
 
27-29 oktabr 2021 yil 
327 
УЎТ 336.1
БЮДЖЕТ ТАШКИЛОТЛАРИДА ИЧКИ АУДИТ ТИЗИМИНИ 
ХОРИЖИЙ ТАЖРИБАЛАР АСОСИДА ТАШКИЛ ЭТИШ 
Б.Юлдашев – Андижон қишлоқ хўжалиги ва агротехнологиялар 
институти “Бухгалтерия ҳисоби, таҳлил ва аудит” кафедраси катта 
ўқитувчиси. 
Ҳозирги вақтда қатор соҳалар фаолиятида ички аудит тизимини жорий 
этиш ва ислоҳ қилиш кенгайиб бормоқда, чунки хўжалик юритувчи 
субъектлар ўз молиявий-хўжалик фаолияти юзасидан тезкор, ишончли ва 
тўғри ахборот базасига эга бўлишга интилиши субъектда ички аудит таркибий 
бўлинмасига эга бўлиши билан боғлиқдир, яъни ташкилотнинг бухгалтерия 
ҳисобига оид консалтинг хизматларидан фойдаланиши ёки аутсорсинг 
хизматларини жалб этиши маълум маънода таваккалчиликни оширади.
Ҳўш, бюджет ташкилотларида ички аудит тизимини ташкил этиш ва 
ислоҳ қилиш қанчалик заруриятга эга, чунки хусусий сектордан фарқли 
ўлароқ бюджет ташкилотлари фаолияти, хусусан молиявий-хўжалик фаолияти 
давлат сектори томонидан тўлиқ тартибга солинади ва унинг назорати 
давлатнинг юқори органлари зиммасига юклатилган. 
Бюджет ташкилотларида ички аудит тизимини самарали ташкил этиш 
бугунги куннинг долзарб, зарурий ва асосий чора-тадбирлардан бири 
ҳисобланади. 
Ўз навбатида, бюджет ташкилотларида ички аудитни ташкил этиш ички 
назорат тизими самарадорлигини баҳолаш ва бошқарув қарорлари ижроси 
даражасига баҳо бериш билан изоҳланади. Аслини олганда, ички аудит 
ташкилотда ички назорат тизимининг бир қисми ҳисобланиб, уни бошқарув 
тизимига киритиш ташкилот фаолияти самарадорлигини оширади. 
Ҳозирги кунда Ўзбекистонда бюджет ташкилотларида ички аудит 
тизимини ташкил этиш ва уни тўлиқ ислоҳ этиш ҳанузгача асосий муаммо 
бўлиб қолмоқда, хусусан уни шакллантирилишида юзага келаётган қуйидаги 
муаммоларни санаб ўтиш мақсадга мувофиқдир: 
1)
Бюджет ташкилотларида ички аудит тизимини ташкил этишнинг 
концептуал асоси яратилмаганлиги; 
2)
Бюджет ташкилотларида ички аудит хизмат кўрсатиши юзасидан 
услубий таъминоти яратилмаганлиги; 
3)
Ички аудит хизмати ходимларининг мақсади, вазифалари, ҳуқуқи, 
мажбуриятлари ва жавобгарлиги тўлиқ белгилаб берилмаганлиги; 
4)
Бюджет ташкилотларида ички аудит бўлими ва фаолияти тартиби, 
хорижий тажрибаларга асосланган намунавий дастури ва режаси ишлаб 
чиқилмаганлиги; 
5)
Бюджет ташкилотларида ички аудит хизматини ташкил этишга 
оид махсус стандартлар ишлаб чиқилмаганлиги; 

---