Президентимиз ўтган йили вилоятга ташрифи чоғида ковул ўсимлигини етиштиришни йўлга қўйиш, ривожлантириш, ишлаб чиқариш, экспорт ҳажмини ошириш борасида тегишли топшириқлар берган эди

Агар ковул экишни истовчи фермер ва томорқа эгалари бўлса 93-230-43-05 телефон рақамига мурожаат этишлари мумкин.

Кавар (ковул) Ковул (кавар) гули ғунчасига каппари дейилади. Каппари қуритилган ҳолда, шўр ёки табиий сиркада сақланиб ишлатилади. Янгиси лимон суви (ёки сирка), туз ва зайтун ёғи билан ейилади. Қуритилган каппари яхшилаб туйилиб, сув билан ичилса, геморройга фойда беради. Талоқ касалликларига ковулдан яхшироқ ўсимлик йўқ. Бу каби касалликларда ковул томирининг пўсти қайнатилиб ичилади ёки 1 чой қошиқ майдаланган ковул пўсти 3 ҳафта давомида эрталаб ва кечқурун сув билан ичилади. Қуруқ томири ўрнига гулининг ғунчаларини (каппарини) ҳам қўллаш мумкин. Қуритилган томири туйилиб, жавдар уни билан аралаштирилади ва кечқурун талоққа сурилади ва устига ёғли қоғоз ёпилади ҳамда эрталабгача туради. Янги ковулнинг томири пўсти қуритилган ковулнинг пўстидан қувватли бўлади.

Ковул — оёғимиз остидаги хазина ёхуд тоғ ёнбағирларида уни ривожлантириш омиллари хусусида

11:15 22 Июнь 2018 Иқтисодиёт
22315 0

Ўтган йили андижонлик ўрмончилар тажриба алмашгани Туркияга боришганида кутилмаган ҳолатга дуч келишади. Тушлик чоғида дастурхонга бошқа таомлар қатори қандайдир мевали салат ҳам тортилади. Меҳмонлар унга қизиқиб, татиб кўришади. Бир-биридан сўрайдики, бу нима? Аммо саволга жавобни ҳеч ким бера олмайди. Меҳмондорчилик якунида мезбонларнинг ўзларидан сўрашга мажбур бўладилар: бу хушхўр салатнинг рецептини берсангиз?
Бунга жавобан мезбонлар кулишади. Сабаби, бу юртимиздан олиб келинган ковулдан тайёрланган салат экан. “Биз Ўзбекистонни ковулнинг кони деб биламиз. Унинг 100 граммини 1 АҚШ долларига сотиб оламиз”, дейишади улар.
Андижонлик ўрмончиларнинг дилидан тилига кўчгани эса шу бўлди: адирларимизда ўсадиган ковул дунёда шундай қийматга эга экан. Оёқ остидаги шундай хазинадан бехабар эканмиз-а?!
Кавар ҳақида нималар биламиз?
Ковул ўсимлигини халқимиз кавар деб ҳам атайди. Мутахассислар бу номнинг келиб чиқишини Эрондаги Дашти Кавир чўли билан боғлашади. Чунки ковул мазкур ҳудудда энг кўп учрайдиган ўсимлик ҳисобланади. У Франция, Испания, Италия, Жазоир ҳамда Кипрда, Греция ва Шимолий Америкада маданийлаштирилган. Юртимизнинг тоғ ёнбағирли ҳудудларида эса табиий ҳолда ўсади. Жумладан, Жиззах вилоятининг Зомин, ўаллаорол, Фориш, Шароф Рашидов, Андижон вилоятининг Булоқбоши, Наманган вилоятининг Чуст ва Косонсой туманлари, Тошкент вилоятининг тоғолди ҳудудларида кўплаб учратиш мумкин.
Ер бағирлаб ўсадиган ушбу тиканли бута жой танламайди, сувсизликка ва совуққа чидамли. Майдан то октябрь ойигача ўсади. Дона-дона бўлиб гуллайди. Сўнгра бир уяли гўштли реза мева беради. Икки паллали ушбу мева худди тарвузга ўхшайди. Фақат митти тарвузлар...