Практикум ҳуқуқбузарлик, жиноятчиликнинг олдини олиш ва танглик вазиятидаги болалар билан ишлаш бўйича

Натижалар таҳлили
Ҳар бир калит билан тўғри келган жавоб учун бир балл қўйилади. Сўнг баллар ҳар бир шкала учун алоҳида ҳисоблаб чиқилади.
«Қабул қилинган-хўрланган»: 2+, 3+, 6+, 10+, 16+, 17+, 18+, 19+, 20+, 20+, 21+, 24+, 25+;
«Кооперация»:4+, 13+, 14+, 15+; ва 6-,8-,16-;
«Авторитар гиперижтимоийлашув»: 1+, 8+, 12+, 22+, 26+; ва 10-, 27-;
«Кичик омадсиз»: 5+, 7+, 10+, 11+, 14+, 16+, 23+, 27+; ва 24-.
«Қабул қилинган - хўрланган» шкаласи - максимал йиғинди 13 балл.
Агарда синалувчи 0 дан 4 баллгача тўпласа, у ҳолда катталарга (ота-онага) бола қандай бўлса, шундайлигича ёқади. У ҳар бир боланинг индивидуаллилигини ҳурмат қилади ва ёқтиради. Катталар кўп вақтларини болалар билан ўтказишга ва уларнинг режа ва қизиқишларини қабул қилишга ҳаракат қиладилар. Агарда синалувчи 4 ва ундан юқори балл тўпласа, бунда у болаларни тартибсиз, омадсиз, мослаша олмайдиган, деб қабул қиладилар. Кўп ҳолатларда катта­лар болаларга нисбатан асабийлашиш, агрессивликни ҳис қилади. Умуман олганда, болаларга ишонмайди ва бола шахсига ҳурмат билан қарамайдилар.
8 баллдан юқори балл тўпланган ҳолатлар шундан далолат берадики, ота-оналар болаларига нисбатан муносабатларидаги ўзининг ҳатти-ҳаракатлари, изоҳлари ва тарбияланувчи шахсига ҳурмат муносабатларини билдиришда қийинчиликни ҳис қиладилар. Бунда катталарни болаларга нисбатан интеграл, эмоционал муносабат хусусиятлари механизмини коррекция қилиш муҳим ҳисобланади.


«Кооперация» шкаласи - максимал йиғинди 7 балл.
Агар синалувчи мазкур шкала буйича 5-7 балл тўпласа, бунда катталар болаларнинг режа ва ишлари билан қизиқади, болаларни қўллаб-қувватлаб, ҳамдардлик билдиришга ҳаракат қиладилар. У болаларни интеллектуал ва ижодий қобилиятларини юқори баҳолаши ва фарзандлари учун ғypyp ҳиссини ҳис қилиши мумкин. Катталар болаларнинг ташаббуси ва мустақиллилигини рағбатлантириб, улар билан ўзларини тенг кўриб, ишониб, баҳсли саволларда уларни фикрларини қабул қилишга қодир.
Агар синалувчи 4 балл ва ундан паст балл тўпласа, бу боланинг ёлғизлигидан далолат беради.