Практикум ҳуқуқбузарлик, жиноятчиликнинг олдини олиш ва танглик вазиятидаги болалар билан ишлаш бўйича

Олинган натижарни кайта ишлаш.
Саволномада 10 нафар «тугри» (1,3,4,7,8,9,10,13,15,19) ва 10 нафар тескари саволлар (2,5,6,11,12,14,16,17,18,20) бор. Хар бир жавоб 1 дан 4 баллгача бахоланади. Кейин синалувчининг тугри ва тескари жавоблари буйича олган баллари кушиб чикилади ва баллар куйидаги формула буйича хисобланади:
0¹ =(0/80)* 100
200 та синалувчиларда олинган маълумотлардан маълум булишича, кайфияти йукликнинг уртача индекси 40,25 5,99 баллга тенг. Шкала бахоларининг барча диапозони 4 зонага булинади:
50 баллдан паст- тажриба вактида кайфияти кутаринки;
51 баллдан 59 баллгача – мухим булмаган, лекин аник ифодаланган кайфияти йуклик.
60 дан 69 баллгача – кайфияти йуклик
70 баллдан юкори – субдепрессия ёки депрессия.

“МАВЖУД БЎЛМАГАН ҲАЙВОН” МЕТОДИКАСИ

Ушбу методика ўз мазмунига кўра проектив методикалар қаторига киради. Унинг ёрдамида шахснинг муайян хусусиятлари ва психик ҳолатлари ҳақида маълумот тўплаш мумкин. Методика йўналтирувчи характерга эга бўлганлиги сабабли, у тадқиқот батареясига кирувчи методикалардан бири сифатида қўлланилади. Методика ёрдамида;

• 
  ўз-ўзига баҳо бериш хусусияти; текширилувчиниг ўз ҳолатидан қониқмаслиги, атрофдагилар томонидан етарлича тан олинмаслик;
  
• 
  ўзига ишонмаслик, қўрқинч, журъатсизлик каби сифатлар;
  
• 
  инсоннинг фаолиятга йўналганлиги;
  
• 
  фикрлаш хусусиятлари;
  
• 
  эгоцентризм;
  
• 
  шахснинг агрессивлиги;
  
• 
  хавотирланиш ва ҳимоя реакциялари;
  
• 
  шахснинг ижодий имкониятлари каби жиҳатлари ўрганиш мумкин.
  

Методика универсал характерга эга. Уни турли ёшдаги, турли ривожланиш даражасига эга бўлган синалувчиларда ўтказиш мумкин. Бу ерда энг муҳими тадқиқотчи томонидан расм ва унинг деталларини тўғри тавсифлашдир. Методикани ўтказиш учун оқ ёки сарғиш (силлиқ бўлмаган) қоғоз ва ўртача юмшоқликдаги қора қалам керак бўлади. Рангли қаламлар, ручка, фломастер, ўчиргичдан фойдаланиш мумкин эмас.
Кўрсатма: “Мавжуд бўлмаган ҳайвонни ўйлаб топиб, унинг расмини чизинг ва ном қўйинг”.
Методикани индивидуал тарзда ўтказиш тавсия қилинади. Уни ўтказиш давомийлиги чегараланмаган.